Демандас де ун Лаборор Леженте

From LFN

пар Бертолд Брект (1898 - 1956)

традуи: Стефан Фисан

---

Ки иа конструи ла Тебен кон сете портас?

Ен ла либрос ту трове ла ном де рес.

Ла рес иа порта ла рокас?

Е Бабилон деструида мулте вес - ки иа реконструинте ел мулте вес?

Ен куал касас брилианте орос иа абита ла лаборорес?

А до иа ваде ла брикорес а сера, куандо ла муро де Жонгуо иа ес финида?

Ла гранде Ром аве мулте арко де винсе.

Ки иа конструинте лос?

Ки иа винседа де ла Сесарос?

Бисанс кантада мулте вес, аве сола палаисес пер се абитантес?

Месма ен Атлантис фаблос, ла инундантес иа ружи пер се славос, ен ла ноте куандо ла мар иа ковре лос.

Алесандер жовен иа конкиста Индиа.

Ел сола?

Сесар иа бата ла Галиос.

Ел но аве минима ун кокор кон ел?

Филип де Еспаниол иа плора, куандо се марина иа афунданте.

Но иа плора отра персон?

Фридерик ла дуа иа винсе ла гера ке иа дура сете аниос.

Ки отра иа ес винсенте анке?

Када паже ун винсе.

Ки иа коке ла коме де винсе?

Када дес анио ун ом гранде.

Ки иа паиа ла коста?