Исола Тесоро
From LFN
., |~~,
.)))).))
.).)_)))
/.).)__)_)\ И С О Л А Т Е С О Р О
/.)_.)__)__)\\
============--/ (бревида)
\ ====== / пар Роберт Луис Стивенсон
традуида пар Гарy Миллер
Contenida |
Парте ун: ЛА ПИРАТА ВЕА
Ла "кан де ла мар" веа а Ла Амирал Бенбо
Пер ке ла проприор Трелони, дотор Ливси, е ла сениорес рестанте иа деманда ме, ке ме скриве ла деталес де Исола Тесоро да коменса а фини, тенинте но коса син ла лока де ла исола, е еста сола пер ке ес а есте ора рикас но левада, ме пренде ун пен ен ла анио де пардониа 17__, е ме ме реституи а ла темпо, куандо ла маринор брун е веа кон ун кортида де спада коменса абита су нос тето.
Ме ел рекорда, си ес иер, куандо ел вени форте а ла порта де ла отел, се баул де мар сегуенте ел ен ун карета: ун ом алта, форте, песа, брун комо торка. Ел дисе пос ун пока темпо:
- - Уа, донке еста ес ла дормериа а ме. Ту ме поте клама Капитан. Уа, ме виде еса, ке ту воле-- аси.
Е ел ланса тре о куатро песос де оро анте ла шимине.
Е, вера, кон се абитос тал мал, е парланте тал нонкортес, ел аве но паре де ун ом, ки иа навига анте ла масто, ма паре ун офисиор о падрон, ки абитуа ресетар обе о дар пуни. Ел иа дириже ме а ладо а ун диа е промете а ме ун куатро-сенти монета а прима диа де када менса, си ме фа симпле ме "оио пер клима абрида а ун ом навиганте кон сола ун гама", е фа ел коноседа а моменте, куандо ел ва апари. Ла модо, пер ки акел каратер иа фа ме сониас турбада, ме но дебе нара а вос.
Контра ке ме теме мулте кон ла идеа де ла ом навиганте кон сола ун гама, ме теме мулте мин ла Капитан ке алга ун, ки коносе ел. Се нарадас иа ес акел, ке фа ла женте плу теме: матар пар пенде, пасеар да планке, темпестес супра мар. Ел континуа реста семана пос семана, а фини менса пос менса, е а еста модо тота монетас ес консумада, е анке ме падре а но темпо колие ла коражиа пер ке инсисте, ке ел аве плу. Ме ес серта, ке ла турба е теме, ин ке ел иа виве, дебе фа се мор прематура е нонфелис плу пронто. Ла Капитан ресева а но темпо ун нота, е ел парла кон но персон есетанте ла висинас, е кон лос плу фрекуенте куандо ебриа кон рум.
Ел девени колера а сола ун вес, е акел ес а ла фин, куандо ме падре повре ес ен ла малада, ке мата ел. Дотор Ливси иа вени а ун посмедиа тарде, пер ке виде ла маладор, асета ун пока коме да ме мадре, е ваде а ла салон, пер ке фума се пипа, аста ке се кавало вени да ла вилета, пер ке нос аве но стала а ла Амирал Бенбо. Субита ел-- ла Капитан, акел ес-- коменса канта се кантада етерна:
Дес синко омес супра баул де морида -- Ио-о-о е ун ботела кон рум!
Еса ес нова а еста ноте а но персон есетанте дотор Ливси, е а ел, тал ме нота, еса но фа ун ефета агреанте, пер ке ел регарда мулте колера а ун моменте, анте ке ел континуа конверса кон веа Теилор, ла жардинор, де ун медисин нова де артрит. Ла Капитан ел регарда форте, колпа ла мано супра ла табла, регарда плу форте, е а фин криа кон ун жура малдисенте е де вил:
- - Фа ту силента, ала ентре нивелес!
- - Ес ке ту а ме клама, сениор? Ме аве ун коса сола, пер ке а ту дисе, сениор: Си ту континуа а беви рум, ла мундо ва манка пронто ун вил вера брута!
Ла ом веа салта а педес, тира ун котел плиабле де маринор, е, балансанте еса супра ла палма де ла мано, менаса ке ел ва фиса ла медикор а ла муро.
Ла медикор мове а но темпо.
- - Си ту не репоне пронто акел котел ен ла пош, ме промете де ме онора, ке ту ва пенде ен ла корте легал сегуенте.
Ла Капитан седе пронто, реторна се арма, е се реторна а сента, ронканте комо кан батада. Ла медикор континуа:
- - Е еста ора, сениор, пер ке ме коносе, ке ес ен ме дистрито тал ом, ту поте ес серта, ке ме аве ла оио супра ту ентре диа е ноте. Ме ес но сола ун медикор; ме ес ун жудор.
Пронто пос акел ла кавало де дотор Ливси вени а ла порта, е ел ваде да ала. Ма ла Капитан силенти а еста сера, е а мулте серас сегуенте.
Ла сиркула негра
Косас иа паса кон еста модо, е, сирка ла ора тре де ун посмедиа амарга, небла е жела, ме ста моменте анте ла порта, куандо ме виде ун ом, ки просими лента лонго ла руа. Ел ес клара сиека, пер ке ел тапе анте се кон ун бастон е порта ун кортинета верде е гранде анте ла оиос е нас. Ел ста пока анте ла отел е, коменса парла кон восе кон модо канта, салва страна, дириже се а ла аира анте се:
- - Алга ами де ун кор бон дона ла информа а ом сиека е повре, ки иа перде виде валуабле де оиос ентре ла дефенде аманте де ла паис де се насе, до о ен ке парте де еста паис ес аора ел?
- - Ту ес а ла "Амирал Бенбо", Кавета Колинанегра, ме ом бон.
- - Дона а ме ун мано, ме ами де ун кор бон, е дириже ме ен ала.
Ме естенде ун мано, е акел креадо монстра е син оиос, ки иа парла мол, тени пронто ел, комо абрасадор.
- - Дириже ме дирета ен ала, о ме ва ромпе ла брасо! Дириже ме дирета а ла Капитан, е, куандо ме ес ен се виста, криа: "Регарда ун ами пер ту, Бил."
Ла Капитан компатабле лева ла оиос, е, кон сола ун регарда, ла рум ваде да ел е ласа, ке ел ес собре.
--Аора, Бил, ту реста ала, до ту сента. Фио, пренде се мано синистра а ла полсо е дириже ел а ме дестра.
Амбос нос обе ел сегуенте када летера, е ме виде, ке ел паса ун серта коса да ла кавета де се мано, ке тени ла бастон, а ла мано де ла Капитан, ке клуи пронто сирка еса. Ла ом сиека дисе:
- - Е аора еста ес финидо.
Е, пос еста паролас, ел ме реласа пронто е, кон есатиа е еспертиа нонкреабле, салта да ла салон е а ла руа, до, ентре ке ме ста син мове, ме поте ои ла бастон ваде кон тапе-тапе-тапе а дистанте.
Пос ун темпо, ме реласа ла полсо де ла Капитан, ке ме тени анке, е ел тира ла мано е регарда дирета ен ел. Ел криа:
- - Ла ора дес! Сес орас реста!
Е ел салта а ла педес. Ентре ке ел фа еста, ел фа ун пасо мал, поне ун мано супра ла гарга, ста кон рола е, пос еста, кон ун сона страна, каде да ла алтиа плен а ла фас супра ла соло. Ес ун коса куриоса пер компренде, пер ке ме густа ла ом а но вес, контра ке ме иа коменса сенти компати а ел, ма, куандо ми виде, ке ел иа мори, ме есплоде кон ун делувиа де лармас.
Ла баул де ла мар
Ме перде но темпо, натурал, пер дисе а ме мадре када коса, ке ме коносе, е, посабле, иа дебе дисе а ел анте ун темпо лонга, е нос нос виде аора ен ун ситуа дифисил е перилос. А фини, окуре а нос, ке амбос нос ва ваде е шерка аида ен ла вилета висина. Ла сома де ла коса ес, ке, ентре ке нос отени пока омес, ки воле баста виаже а дотор Ливси, ки ес а ла отра дириже, но ун воле аида, ке нос дефенде ла отел. Ме мадре но воле, ел деклара, перде монета, ке партени а се фио. Када персон криа пер нос ступидиа.
Нос лиска лонго ла енсиркас де арборетас син руидо е кон модо рапида, е нос но виде алга коса, ке аумента ла терор, аста ке, а нос пас гранде, ла порта де ла Амирал Бенбо се клуи пос нос. Ла Капитан репоса, комо нос ел ласа, супра ла дорсо, кон оиос абрида е ун брасо естендеда. Ме мадре дисе:
- - Е аора, нос дебе естрае ла клаве да _акел_.
Супра ла соло просима а се мано ес ун сиркула пока де папер, негра а ун ладо. Ме сенти ен се пошес, ун пос ла отра. Пос ке конкиста ун десгуста форте, ме ласера ла камиса да се коло, е ала, фисада а ун песо пока де кордета веа, нос трова ла клаве. Пос еста винсе, нос нос плен кон еспера е фрета а супра син ретарда а ла камера пока, до ел иа дорми ен ла пасада е до се каша ста пос ла диа де су арива. Контра ке ла секурадор ес мулто рижида, ме мадре еса торсе е лева пронто ла ковре.
Е ла дифериа коменса: ун куадрадор, ун контенадор да станио, пока бастонетас де табако, ун дупле де фусилетас мулто бела, ун песо да ун бара де арженто, ун ороложета веа е пока косетас де пока валуа е фаде странжер, ун дупле де бусолас фисада кон латон. Е репоса анте нос ла косас рестанте ен ла баул, ун фашо, евиденте паперес, лиада кон стофа ковреда кон олио е ун сако да лона, ки дона кон ун тока ла сона де оро. Е ме мадре коменса конта ла куантиа де ла конта де ла Капитан да ла сако де ла маринор а ла сако, ке ме тени. Ес ун коса лонга е дифисил, пер ке ла монетас ес де када паис е грандиа.
Куандо нос иа ес финида а ла медиа, ме поне ун мано а се брасо, пер ке ме иа ои ен ла аира силента е жела ун сона: ла тапе-тапе де ла бастон де ла ом сиека супра ла руа жела. Ме дисе:
- - Мадре, пренде ла тота е нос ваде!
Ел дисе, ке ел коносе се диретос е ел ва аве лос. Ел анке диспута кон ме, куандо ун сибила се сона мулто дистанте супра ла колина. Ме мадре дисе, ентре ке салта а ла педес:
- - Ме пренде акел, ке ме аве аора.
Ме дисе, ентре ке пренде ла фашо ковреда:
- - Ме пренде еста, пер ке фа ла конта клуида.
Сегуенте акел, нос абри ла порта е се ретира рапида. Нос ес а ла понте пока, бонфортуна.
Ла фини де ла ом сиека
Ме но поте реста, до ме иа ес, ма рампе анке ора а ла рива, да до, дуранте фа ун арборета ла скермо де ме теста, ме поте осерва ла руа анте нос порта. Мулте пронто пос ме ес а ме посто, ме енемис коменса арива, сете о ото, дуранте коре форте, лос педес бата ла руа кон темпо нонрегула, е ун ом кон ун лампа а ла анте. Тре омес коре жунта, мано ен мано; е ме реконосе, вера тра ла небла, ке ла медиа де ла тре ес ла ом сиека. Ел криа:
- - Ла порта а су!
Ме поте ои ла сона де лос педес скуденте ла скалера, пер ке ла тота каса скуде пер еста. Ун ланса ла фенетра абрида де ла камера де ла Капитан кон ун бата е ла сона де витро ромпенте; ун ом, теста е спалас, се инклина ен ла лус де ла луна. Ел криа:
- - Пиу, лос ес аси анте нос.
- - Ес ла отелерос. Ес акел фио. Се сперде, бономес, е трова лос!
А еста ора, ес ун турба гранде тра ла тота отел, педес песа батанте а аси е ала, мобилас лансада, портас ромпеда, аста ке ла рокас еко е ла омес сорти анке ора а ла руа, е деклара, ке нос ес нонтровабле. Пронто а еста ора, ла месма сибила, ке асуста ме мадре е ме кон ла монета де ла ом мор. Ун дисе:
- - Нос дебе фужи, бономес!
Ла колериа де Пиу девени тан форте а еста сужесте, аста ке ла сентис конкиста ел, е ел бата а лос а дестра е синистра пер ла сиекиа, е се бастон сона песа супра плу ке ун.
Дуранте еста комбата континуа, ун отра сона вени да ла кулмине де ла колина а ла ладо де ла вилета: ла пасос де кавалос коренте. Ла пиратас се торна пронто е фужи, дуранте сепаре а када дириже-- ун а ла мар лонго ла кавета, ун отра кон модо ангула тра ла колина е модос симиле, пер ке, пос ун медиа де ун минуто, но паре де лос реста син Пиу. Пиу се торна кон ун криа е фужи су ла плу просиме де ла кавалос венинте. Алга новас де ун барка страна ен ла Кавета де Кит иа вени ал супериор Данс е енвиа ел а нос дириже, е а акел касо ме мадре е ме дебе ла салва контра мори. Пиу ес мор.
Сениор Данс но компренде ла сена.
- - Ке ен ла мундо лос иа воле?
- - Вера, сениор, ме аве ла коса ен ла пош а просима ме пето. Ме пенса, ке дотор Ливси посабле--
- - Перфета корета, перфета корета. Ун дон е ун жудор. Догер, ту аве ун кавало бон. Пренде еста фио пос ту.
Ла папарес де ла капитан
Нос ваде форте тра ла тота виажа, аста ке нос просими ла порта де дотор Ливси.
Аси сениор Данс десенде, е, дириженте ме кон се, ес перметеда кон се парола ен ла каса.
Ун доместико дириже нос лонго ун коредор кон тапето е пресента а нос ун камера де либрос, армариос де либрос а када борда, до ла проприор де ла терена е ла медикор иа сента. Ла медикор дисе кон ун "си" де ла тесто:
- - Ентра, сениор Данс.
Ла супериор ста рета е рижида, е дисе ла историа комо ун лесон. Ту иа дебе виде, комо ла ду сениорес се инклина е регарда ун ла отра. Ла медикор дисе:
- - Е кон тал модо, ту аве ла коса, ке лос иа воле?
- - Аси, сениор.
Е ме дона а ел ла фашо ковреда кон олио. Ла фашо ес лиада кон филос, е ла медикор дебе пренде се портаутил е корти лос кон се сисор медикал. Еса аве ду косас: ун либро е ун папер клуида кон тапос де сира. Ла медикор дисе:
- - А приме, нос густа ла либро.
А ла паже приме, ес симпле ун пока скриведетас, тал косас алга ун кон ун пен поте фа пер аноиа о практика. Ла дес о дес ду пажес сегуенте ес плен кон ентрас страна: Ес ун дата а ун фини де ла линиа е ун сома де монета а ла отра, ма, ен лока де скриведас еспликанте, симпле ун куантиа варианте де крусес ентре ла ду. Ла проприор криа:
- - Еста крусес репресента ла номес де барконес о вилетас, ке лос иа афонда о атака.
- - Корета! Е ла сомас аумента, виде, куандо ел иа ганиа ун офисиа плу бон.
- - Е а еста ора ла отра.
Ла медикор абри ла тапос кон каута гранде, е пермете, ке ун мап каде-- ун мап де ун исола кон ла месурас жеографиал, месурас де профундиас, номес де колинас е баиас е ентрас, е када деталио, ке алга ун дебе аве, пер ке гида ун баркон а анкор секура а просима ла коста. Ла проприор дисе:
- - Доман ме департи а ла порто. Нос аве ла баркон плу бон, сениор, е ла екипо плу бон де ла паис. Xокинс ва вени комо "ла фио де ла кабана". Ту, Ливси, ва ес "ла медикор де ла баркон".
- - Трелони, ес сола ун ом, ке ме теме: ту, пер ке ту но поте френа ту лингуа.
- - Ливси, ме ва ес тал силента ке ун граве.
Парте ду: ЛА КОКОР ДЕ ЛА МАР
Ме ваде а ла порто
Ес плу лонга, ке ла проприор иа имажина, анте ке нос ес пронто пер ла мар, е но скемас приме де нос-- анке но де дотор Ливси-- ес фада, комо нос иа интенде.
Ла семанас паса тал, аста ке, а ун диа, ун нота вени, дирижеда а дотор Ливси, кон еста скриведа плу:
АБРИ, А КАСО ДЕ ЕЛ АСЕНТИА, ПЕР ЖУВЕН XОКИНС
* * *
Отел "Анкор Веа", 1 марто 17__
Кара Ливси,
Ла баркон ес компрада е фурнида; ном, _Испаниола_. Ме ами анкиан
Бландли иа лабора комо ун склаво пер ме интереса е-- пермете, ке
ме дисе-- када ун ен ла порто иа фа ла месма.
Ес ла екипо, ке иа дона турба а ме. Ме иа воле сирка дудес омес
-- а касо де жентес саваже о пиратас-- е ме иа аве турба диаблал
пер трова симпле сес, аста ке ла фортуна бон плу коментабле
дириже а ме ла ом вера, ке ме дебе аве. Ме десковре, ке ел ес ун
маринор де еспериа, мантени ун бар, коносе када маринор ен ла
порто, иа перде се сана а ла тера е, а еста ора, воле ун лето
комо кокор пер ке ес анке ора супра ла мар. Пер компати пура, ме
емплеа ел пер ке ес ла кокор де ла баркон. "Лонга Жон" Силвер ел
ес кламада е иа перде ун гама.
Ентре Силвер е ме, нос колие ун екипо де ла маринорес плу
дуранте, ке ун поте имажина.
Ме ес ен ла саниа е спирито мулто бон; ме коме комо ун бове,
дорми комо ун арбор, анке ме не поте пласе ун моменте, аста ке ме
ва ои ме маринорес бон кон пасо песа сирка ла бобинон де ла анкор.
Жон Трелони
Посскриведа: Ме иа облида дисе а ту, ке Силвер ес ун ом де
медио; ме коносе кон ме пропре десковре, ке ел аве ун конта ен ла
банко, ке манка а но темпо.
Ж.Т.
* * *
Полво е армас
Ла _Испаниола_ иа репоса а дистанте, е нос ваде су ла фигурас де ла проас е сирка ла попас де мулте отра барконес. Ма, а фин, нос ста а ла ладо де нос баркон е ес енконтрада е рисета салуте милитар, куандо нос асенде.
Ла капитан ес ун ом паренте милитар, ки паре колера пер када ун ен ла баркон, е ва дисе пронто ла кауса, пер ке нос апена десенде а ла кабана, куандо ун маринор нос сегуе.
- - Капитан Смоллетт, сениор, пер деманда дисе кон ту.
Ла проприетор дисе:
- - Пресента ел.
Ла капитан, ки ес просиме пос ла месажор, ентра пронто е клуи ла порта пос се.
- - Донке, сениор, ес плу бон парлар клара, ме креде, месма а риска де офенде: Ла виажа но пласе а ме; ла маринорес но пласе а ме.
- - Посабле, вос емплеадор но пласе а ту?
Аси дотор Ливси интеромпе:
- - Ес нонусабле демандар кон тал модо, ке фа сентис мал.
Ла капитан дисе:
- - Ме иа ес емплеада, сениор, кон еста, ке нос клама "командас клуида", пер ке навига еста баркон а до акел сениор деманда а ме. Сегуенте, ме трова, ке нос шерка тесоро-- ме ои еста пар ме пропра маринорес, атенде. Ме креде, ке не ун да вос сениорес коносе, ке вос фа.
Дотор Ливси респонде:
- - Сегуенте, ту дисе, ке ла екипо но пласе а ту?
- - Лос поне ла полво е ла армас ен ла кала фронте. Вос аве ун лока бон су ла кабана; пер ке но поне лос ала? Е ме дисе а вос, ке ме месма иа ои: ке вос аве ун мапа де ун исола, е ке ла исола ес ситуада а--
Е ел клама ла ситуа прекис де ла исола.
Ла проприетор криа:
- - Ме дисе еста а но темпо а алга ун!
А еста касо, ме креде, ке ел ес корета, е ке но персон иа дисе ла ситуа де ла исола. Ла дотор дисе:
- - Ме компренде. Ту воле, ке нос мантени еста коса аскондеда е фа ун дефендериа де ла парте попа де ла баркон. Кон отра паролас, ту теме ун ребела.
- - Ме деманда, ке вос асета серта атендес о пермете, ке ме абанда ме карера.
Ла дотор коменса кон ун сурие:
- - Куандо ту иа ентра, ме дона ме перука ун апоста, ту воле плу ке еста.
- - Куандо ме иа ентра, ме пенса, ке ме ва ес десемплеада.
Ла проприетор криа:
- - Ме ва ата, комо ту воле. Ма ме пенса плу мал супра ту.
Е кон еста ла капитан асета ретира. Ла дотор дисе:
- - Трелони, контра када ме идеас, ме креде, ке ту иа суседе отени ду омес онеста ен ла баркон кон ту: еста ом е Жон Силвер.
Ла виажа
Ен ла тота ноте, нос ес ен окупада гранде, дуранте поне косас ен ла пропра лока, е баркас де ла амис де ла проприетор, сениор Бландли е симиле, венинте пер ке десира а ел ун виажа бон е ун ревени секура. Ме ес фатигада мулто, куандо, а ун пока анте ла коменса де ла диа, ла дирижор сона се сибилор, е ла екипо коменса пренде ла барас де ла бобинон. Ун восе криа:
- - Аора, кокор, коменса ун строфе а нос.
- - Си, камерадас.
Лонга Жон, ки ста просиме кон се бастон су се брасо, коменса пронто кон ла мелодиа е паролас, ке ме коносе тал бон:
Дес-синко омес супра ла баул де ун морида--
Е ла тота екипо континуа ла рекантада:
- - Ио-о-о, е ун ботела кон рум!
е, кон ла "о!" тре, преса ла барас анте се кон воле форте.
