Adam Smith
From Vici de LFN
Adam Smith (1723-1790), Economiste e filosofiste britanian ,ci ia fa la prima atenta seria de studia la natur de capital e la developa istorial de comersia e industria entre nasiones europan . El ia nase en Kirkcaldy, Scotland . El ia deveni ami intima de David Hume ,la filosofiste scotes ci ia contribui a se teorias etical e economial .
De 1766 asta 1776,el ia scrive se rexerca " Esamina de Natur e Causas de Ricia de Nasiones " (1776). Esta representa la atenta prima seria istorial de pensa economial ,de separe la studia de economia political de campas relatada de siensas political,etical e juderia . El inclui analise profonde de prosedes en ce la ricia economial es produida e distribuida . El mostra ance ce la fontes fundal de tota revenu es luada,salario e profitas. La tema sentral de Smith ia es ce capital es la plu bon usada de produi e distribui de ricia,en states de comersia libre e sin interferis governal . Per clari esta conseta de controla governal minima en operas comersial,Smith esplica la prinsipes de " Mano Nonvidable " . Asi ,cada individua es gidada cuasi par un " Mano Nonvidable " per reali la bonia la plu vantajos per tota. Donce ,algace interferi governal con compete libre es serta ruinos .
