Alfabeta
From LFN
Un alfabeta es un sistem de scrive en ce la simboles - clamada leteras - representa la sonas de la lingua, en loca de representa la tota parola, un idea, o otra ojeta. La parola es de la nomes elinica per la prima du leteras de la alfabeta elinica - alfa e beta - e de la nomes en la alfabeta fenesian - aleph e beth (la bove e la casa). Es tre formas base de alfabetas:
1. La alfabeta silabal, en ce la leteras representa silabales - juntas de consonantes e vocales ce es pronunsiable en se mesma. Esemplos inclui la katakana e la hiragana de japanes, e la alfabeta de la tsalagi de America norte.
2. La alfabetas consonantal, en ce sola la consonantes es scriveda. Esemplos inclui la alfabetas de la fenesianes antica, e ance la alfabetas per ivri e arabian. Alfabetas consonantal es ance clamada abjades, de la nomes de la prima du leteras de la alfabeta arabian.
3. La alfabetas cuasi-completa. La alfabetas de asia sude e sude-este es derivada de la alfabeta brami. La simboles major es consonantal, ma la vocales es representeda per la plu parte par cambias minor de la consonantes o par simboles poca juntada a la consonantes. Alga linguistes clamada los abigudas, de la parola en Ge'ez (un lingua de etiopia) per se alfabeta.
4. La alfabetas completa, en ce es leteras individua per consonantes e vocales. La plu de alfabetas usada aora es alfabetas completa, incluida la alfabeta latina e la alfabeta cirilica e la alfabeta per corean, clamada la hangul.
| Sistemes de scrive | cambia | ||
| Logografia | Xines | Ieroglifes | Cuneoforma | ||
| Alfabetas silabal | Katakana | Hiragana | Tsalagi | Canadianes orijinal | ||
| Alfabetas consonantal | Alfabeta orijinal | Fenesian | Aramaian | Ivri | Nabatean | Arabian | Surian | ||
| Alfabetas cuasi-completa | Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares | ||
| Alfabetas completa | Elinica | Etruscan | Latina | Cirilica | Haiaren | Hangul | Runas | Gotica | Eres | Ogam | Glagolitica | Cartuli | Deutx | Coptica | Uigur | Mongol | ||
| Otra cosas | Trascrive | Alfabeta Fonetical Internasional | Alfabetas per lfn | ||
