Alfabeta de canadianes orijinal
From LFN
La alfabeta de canadians orijinal (Canadian Aboriginal Syllabics) es un familia de alfabetas silabal usada per scrive alga linguas de la canadianes orijinal. La linguas ce usa esta sistem oji inclui tota la dialetos de cri, la linguas inuit en Quebec e Nunavut, e la ojibue en Canada ueste. El ia es usada en la pasada par la blackfoot e alga de la linguas na-dene de Canada ueste.
La alfabeta ia es inventada par James Evans, un misionor de la metodistes de England. El ia ariva en Canada en 1827 e ia es la dirijor de la mision, prima a la ojibue e plu tarde a la cri. Nota ce alga persones crede ce la alfabeta ia es inventada par la canadianes orijinal se mesma.
La alfabeta es un alfabeta silabal, con un simbol per la consonante ma no simbol separada per la vocal. En loca de un simbol, la vocal es representada par torse la simbol consonantal en otra dirijes. Per esemplo, "p" es un angula simple en cri. Como ᐱ, el sinifia "pi"; como ᐯ, el sinifia "pe"; como ᐸ, el sinifia pa; e como ᐳ, el sinifia po. La table a su mostra la orijinal simboles simple:
1840 -a -o -i -e - ᐊ ᐅ ᐃ ᐁ p- ᐸ ᐳ ᐱ ᐯ t- ᑕ ᑐ ᑎ ᑌ k- ᑲ ᑯ ᑭ ᑫ c- ᒐ ᒍ ᒋ ᒉ m- ᒪ ᒧ ᒥ ᒣ n- ᓇ ᓄ ᓂ ᓀ s- ᓴ ᓱ ᓯ ᓭ y- ᔭ ᔪ ᔨ ᔦ
Plu, es simboles per un poca sonas final. Cada lingua ave un sistem simile, con plu simboles o min, dependente de la fonetica de la lingua. Per ce la linguas usa poca consonantes e vocales, ma ave parolas longa, esta moda de scrive es multe usable, e la popla ia adota la sistem con zelia.
| Sistemes de scrive | cambia | ||
| Logografia | Xines | Ieroglifes | Cuneoforma | ||
| Alfabetas silabal | Katakana | Hiragana | Tsalagi | Canadianes orijinal | ||
| Alfabetas consonantal | Alfabeta orijinal | Fenesian | Aramaian | Ivri | Nabatean | Arabian | Surian | ||
| Alfabetas cuasi-completa | Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares | ||
| Alfabetas completa | Elinica | Etruscan | Latina | Cirilica | Haiaren | Hangul | Runas | Gotica | Eres | Ogam | Glagolitica | Cartuli | Deutx | Coptica | Uigur | Mongol | ||
| Otra cosas | Trascrive | Alfabeta Fonetical Internasional | Alfabetas per lfn | ||
