Amsterdam

From LFN

**Amsterdam**

loca

bandera

supravide

Amsterdam es la capital de Nederland (Europa), ma la governa nederlandes es locada en Den Haag. La nom vea es Amstelodam ce sinifia "la parario a la rio Amstel". La nom es un ereta, per ce la dam (parario) en la nom es en realia un dijk (paramar). Donce, la nom coreta ia ta es "Amsterdijk".

Amsterdam es famos per:

se canales tra tota la site. A alga veses, el es clamada La Venetia de la Norde.
se istoria de refuja per filosofistes e oposantes de potes feudal durante la sentenio 16 a sentenio 17, cuando la sosia nederlandes ia es ja moderninte. Ia es en Amsterdam, ce la filosofiste Baruch de Spinoza trova refuja contra la persegui de iudistes par la eglisa catoliciste en Portugal. E pos la condena de la pensas de Galileo Galilei, ance par la eglisa catoliciste, Rene Descartes se move a Amsterdam do el ia trova la libria e ia scrive se frase famos Cogito ergo sum (o "me pensa donce me esiste").
la usa, vende e cultiva legal de canabis
la prostitui legal, impostada e sindicada
marcas diferente de bir, como "Amstel Bier" e "Heineken" (de Zaanstad, prosima de Amsterdam)

La nom reveni en:

en Nederland, un 'amsterdammertje' (amsterdamoreta) es un vitro grande de bir
la nom vea de New York ia es Nieuw Amsterdam cuando la site ia es un colonia nederlandes

[cambia]