Biblia
From LFN
La Biblia es la libro santa de Cristisme. El conteni un colie de scrives relijios con orijines entre sirca 1000 AEC e 200 EC. La Biblia ave du partes, la Atesta Vea, ce descrive prinsipal la relata entre Dio e la popla iudi, e la Atesta Nova, ce descrive la vive e mori de Cristo, e el sinifia como salvor de la umania.
La scrives (o "libros") en la Atesta Vea es prinsipal la mesma como en la Biblia de la Iudisme. Ance la contenida de la libros santa de la relijios de Islam e de Baha'i relata vera forte a la Biblia.
La alteras de la Biblia de la ortodaxas, catolicas e protestantes difere un poca: No tota scrives es contenida en tota alteras ofisial. Esiste ance diferes relata de la traduis ofisial. Scrives, ce no es parte de un altera ofisial, es clamada apocrifa.
La Biblia es la libro la plu multe primida e editada de la mundo. El es traduida en 426 linguas.
