Calendar de August Comte
From LFN
Auguste Comte, en 1849, ia publica un calendar de 13 mensas, ce el clamada la Calendar Positiviste. El conteni 13 mensas de 28 dias o esata cuatro semanas. Es un dia plu a la fini de la anio ce no ave un nom usual, e un plu dia (dia 366) cada anio cuatro. Cada anio comensa a Lundi, 1 Moses. La calendar ta comensa con 1789 como anio un, seguente 2000 ta es anio 212. Cada mensa ta pare como esta:
| Lundi | Mardi | Mercurdi | Jovedi | Venerdi | Saturdi | Soldi |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
Comte ia ave sujestes per la nomes de la mensas:
- 1. Moses
- 2. Homer
- 3. Aristoteles
- 4. Arcimedes
- 5. Caesar
- 6. San Paulo
- 7. Charlemagne
- 8. Dante
- 9. Gutenburg
- 10. Shakespeare
- 11. Descartes
- 12. Frederick II
- 13. Bichat
Cada dia ta es dona a persones importante en campos relatada a la person de la mensa, per esemplo...
- 14 Moses -- Buda
- 21 Aristoteles -- Socrates
- 7 Gutenburg -- Columbo
- 28 Shakespeare -- Mozart
- 28 Descartes -- Hume
- 7 Bichat -- Galileo
La calendar e August Comte es adotada en parte par la International Fixed Calendar League, con ofisias en London e Rochester, New York. La sola cambias: la semana comensa con Soldi en loca de Lundi, la nomes de la plu de mensas es la nomes comun, un mensa nova es poneda entre Junio e Julio, e es clamada "Sol" o "Midi," e la dia 366 es poneda a la fini de Sol/Midi. La asosia es cluida en la 1930s.
