Calendar de Mundo
From LFN
La Calendar de Mundo ia es intruida par Elisabeth Achelis en 1930. El ia funda la Asosia de Calendar de Mundo 21 Otobre de la mesma anio. La move ia gania suporta internasional asta la Gera Mundal Du ia interompe discute sivila. Pos la gera, la idea ia es reintroduida a la Nasiones Unida, ma adota ia es parada par la SUA en 1955. Politicores american ia no pote oftende popla relijios de la lado direta, ci ia es turbada par la idea ce, un ves per anio, va es un dia plu en la semana, o oto dias entre un Soldi e la seguente - no en acorda con la costum biblial. La organiza ia move a Ottawa e deveni la Asosia Internasional de Calendar Mundal. Triste, la impedi ia frustra la membros de la organiza. Aora, con la interede, es ancora un move poca per adota la Calendar de Mundo.
La Calendar de Mundo ave 12 mensas, divideda en cuatro cuatris. Cada cuatri comensa con Soldi e un mensa de 31 dias. Esta es seguente par du mensas de 30 dias. A la fini de la anio, un dia plu es juntada per ave 365 dias. Esta dia es clamada Dia de Mundo e no ave un nom como la otra dias de la semana. La dia ia es un festa internasional como la sera ante la anio nova. Cada anio cuatro, un dia plu es juntada a Junio. El ance no ave un nom como dias normal e ta es un festa internasional.
Per esta metodo, nos ta ave la mesma calendar per cada anio!
| Sol | Lun | Mar | Mer | Jov | Ven | Sat |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 |
| Sol | Lun | Mar | Mer | Jov | Ven | Sat |
|---|---|---|---|---|---|---|
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 |
| Sol | Lun | Mar | Mer | Jov | Ven | Sat |
|---|---|---|---|---|---|---|
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
- Nota: Dia de Mundo segue 30 Desembre, e Dia 366 seguente 30 Junio cada anio cuatro.
La Calendar de Mundo ta dona a nos un calendar con la min cambias en como nos vide semanas, mensas, e anios; plu, el dona a nos cuatro saisones o cuatris con la mesma numero de dias - un aida per comersa. Triste, es ance resista potente a ideas simple e razonas como esta!
