Calendar de Revolta Franses
From LFN
La Calendar de Revolta Franses ia es inventada par un comite dirijada par Fabre d'Eglantine. La calendar es adotada par la Conveni de la Revolta en Otobre de 1793. La calendar es divideda en 12 mensas de 30 dias per mensa, plu sinco dias plu (ses dias en anios con 366 dias) a la fini de la anio. Esta sinco o ses dias es clamada la Sans-sulottides e ia es un serie de festa nasional.
Cada mensa ave tre semanas (clamada decades) de des dias per semana. La dias es clamada per numeros: primidi, duodi, tridi, quartidi, quintidi, sextidi, septidi, octidi, nodidi, e decadi. Decadi ia es un dia de restora. La prima dia de la anio ia es 1 Vendemiaire anio 1, e cada a la ecuinote de autono, 22 setembre 1792. Cada mensa aperi como esta:
| primidi | duodi | tridi | quartidi | quintidi | sextidi | septidi | octidi | nonidi | décadi |
| 1 | 2 | 3 | 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 | 28 | 29 | 30 |
La nomes de la mensas:
| nom | sinifia | datas |
| Vendémiaire | uvas | 22 setembre - 21 otobre |
| Brumaire | nebla | 22 otobre - 20 novembre |
| Frimaire | jela | 21 novembre - 20 desembre |
| Nivôse | neva | 21 desembre - 19 januero |
| Pluviôse | pluva | 20 januero - 18 febrero |
| Ventôse | venta | 19 febrero - 20 marto |
| Germinal | semes | 21 marto - 19 april |
| Floréal | flores | 20 april - 19 maio |
| Prairial | prados | 20 maio - 18 junio |
| Messidor | recolie | 19 junio - 18 julio |
| Thermidor | calda | 19 julio - 17 agosto |
| Fructidor | frutas | 18 agosto - 16 setembre |
La San-culottideas vade de 17 setembre a 20 (o 21) setembre. La nom "sans-coluttides" sinifia "sin pantas:" la aristocratas ia porta pantas ce lia a la jenos, ma la proletaria porta pantalones. Esta dias es clamada...
| dia | sinifia |
| Jour de la vertú | dia de virtua |
| Jour du génie | dia de jenio |
| Jour du travail | dia de labora |
| Jour de l'opinion | dia de razona |
| Jour des récompenses | dia de recompensa |
| Jour de la révolution | dia de revolta |
La calendar ia es usada en Frans per 12 anios, cuando Napoleon ia cambia a retro.
