Cat Stevens

From LFN

Yusuf Islam (nase Steven Demetre Georgiou, 21 Julio 1948 en London, England) ia presenta musica su la nom Cat Stevens de 1966 a 1978. El es un musiciste, cantor, scrivor de cantas, instruor, filantropiste, e convertente a Islam.

En la comensa de se carera musical, el ia adota la nom Cat Stevens, e ia vende plu ce 60 milion albumes sirca la mundo. Se plu notable albumes es Tea for the Tillerman, Teaser and the Firecat, e Catch Bull at Four. Se cantas plu poplal es "Morning Has Broken," "Peace Train," "Moonshadow," "Wild World," "Father and Son," "O Caritas," "If You Want to Sing Out, Sing Out," "Trouble," e "The First Cut is the Deepest." "The First Cut is the Deepest" ia gania du premios de ASCAP per el.

Stevens ia deveni un convertente a Islam en 1977, e ia adota la nom Yusuf Islam en 1978, e ia departi se carera musical per atende a causas de instrui e filantropia en la comunia Muslim. Un decade ante esta, un disputa ia ocura cuando el ia pare suporta un fatwa ce demanda per la mori de autor Salman Rushdie. Plu tarda, el ia dise ce el ia es malcomprendeda. Pos la atacas de 11 Setembre 2001 en New York e 7 Julio 2005 en London, el ia condena forte la atacas e ia indica ce los no es coerente con la instruis de Islam. En 2004, El no ia es permiteda entra la Statos Unida cuando se nom apare en la lista de personas no permiteda voler.

Yusuf Islam ia retorna a la mundo de musica "pop" en 2006, cuando el ia recorda e ia presenta se prima album de cantas nova pos 28 anios, clamada An Other Cup. El ia es donada varios premios per se laboras per pas en la mundo, incluinte la Om per Pas de 2004 e la Premio de Pas Mediteranean de 2007. El abita con se sposa Fauzia Mubarak Ali e se sinco enfantes en London, e abita per un parte de ance anio en Dubai.