Caucasos

From LFN

La Caucasos es un sistem de montania en Eurasia entre la Mar Negra e la Mar Caspian, tra Sacartvelo, Haiastan, Azerbaijan, e partes de Rusia. Es formada par du sistemas separada: La Caucasos major e la Caucasos minor. La Caucasos major estende de la area prosima a Sochi a la costa norde-este de la Mar Negra, corente este-sude-este a prosima de Baku a la Mar Caspian. La Caucasos minor core paralel a la sistem major, a un distantia de sirca 100 km. La du cadenas es juntada par un cadena poca clamada la Likhis. La plu alta montania en la cadenas es Elbro, a 5,642 metres. La montanias prosima a Sochi va ospita la Juas Olimpian de Inverno de 2014.