Ce es lumina

From LFN

Un responde a la demanda: ce es lumina?[1]

Immanuel Kant, 1784

Lumina es la emerji de umania de im-maturia auto-creada.

Im-maturia es la in-capasia de usa se comprende sin gida de otras.
Esta im-maturia es auto-creada, cuando la in-capasia es causada
  no par la manca de comprende, 
  ma par la manca de vole o corajia.

Sapere Aude!

Osa pensar! 
Ave la corajia per pensa per se propre.
Acel es la parola de lumina.

* * *

Manca de vole e manca de corajia lia multe omes en im-maturia. 
Longa pos la ora de se maturia, esta omes resta dependente de gida de otras. 
Joios e felis, los aseta esta gida.
Per ce, vive en im-maturia es fasil.
- Me no debe conose, si me ave un libro.
- Me no debe comprende la bon, si me ave un pastor.
- Me no debe colie me comeda, si me ave un dotor medical.

La padrones bonvolente garda bon la im-maturia de omes.
Per la padron la maturia es perilos e non-fasil.
(tro non-fasil per la omes, e tro perilos per se propre).
Per la padrones la omes es animales-de-cultiveria.

La padrones parla de peril de pensa per se propre.
Los parla de danjer de cade a su.
Ma - pos un o du cades - la plu persones ta pote pasea per se propre.