Ceres (planeta nana)
From LFN
|
| Ceres imajeda en 2003-2004 par la Telescopio Hubble e librida en 2005 |
Ceres, nomada ance 1 Ceres o (1) Ceres, es la plu poca planeta nana en la Sistem Solal, e la sola un locada en la Sintur de Asteroides. La nom de la planeta nana veni de la diva roman Ceres - la diva de plantas cultivada e la ama de la madre. El ia es descovreda en 1 janero 1801 par Giuseppe Piazzi. El ave un diametre de 975 x 909 km, e es donce la corpo la plu grande en la sintur de asteroides, e conteni un parte de tre de la tota masa de la sintur. Diferente de otra asteroides con un masa plu poca, Ceres ave un corpo global, no nonregula como la otras.
- Descovror Giuseppe Piazzi
- Data de descovre 1 janero 1801
- noncomunia (e) 0.080
- Semiase major (a) 413.715 Gm (2.766 UA)
- Perielio (q) 380.612 Gm (2.544 UA)
- Afelio (Q) 446.818 Gm (2.987 UA)
- Periodo orbital 1679.819 d (4.599 a)
- Rapidia orbital media 17.882 km/s
- Tende 10.587°
- Longitude de la noda asendente (Ω) 80.410°
Contenida |
State
|
| Ceres compareda con la Luna. |
Johann Elert Bode ia crede ce Ceres es la "planeta mancada" ce Johann Daniel Titius ia proposa esister entre Marte e Jove, a un distantia de 419 milion km (2.8 UA) de la Sol. Ceres ia es donada un simbol planetal, e ia continua como un planeta en libros e tables astronomial (con 2 Pallas, 3 Juno e 4 Vesta) per un media sentenio asta la descovre de otra planetas. Per la poca grandia de Ceres, se alga cuanto alta tende, e la fato ce el comparti un area orbital con 2 Pallas, Senior Willion Herschel ia fa en 1802 la terma asteroide ("como un stela"), scrivente, "los sembla stelas poca tan multe ce los es apena distinguida de stelas, ance con telescopios bon.
Orbita
|
| Orbita de Ceres. |
Ceres segue un orbita entre Marte e Jove, en la sintur asteroide xef, con un periodo de 4.6 anios. La orbita es alga cuanto inclinada (i=10.6° comparente a 7° per Mercurio e 17° per Pluto) e alga cuanto nonsircula (e=0.08 comparente a 0.09 per Marte).
Esta scema mostra la orbitas de Ceres (blu) e varios otra planetas (blanca/gris).
Cualias fisical
Ceres es la ojeto la plu grande en la sintur asteroide, ce es locada plu parte entre Marte e Jove.
En serta puntas de se orbita, la cuantia de brilia de Ceres pote tende a 7.0. Esta es pensada como un brilia tro oscur per vide con la oia nuda, ma su un state de vista spesial, un person con vida agu posable pote vide la planeta nana. La sola otra asteroide ce pote es videda con la oia nuda es 4 Vesta.
Con us masa de 9.5×1020 kg, Ceres teni prosima un tri de la masa tota de la asteroides en la sistem solal, 3.0±0.2×1021 kg. Nota ce tota esta fa sola sirca 4% de la masa de la Luna.
Esiste alga indicas ce la suprafas de Ceres es compareda tepida e ce el posable ave un atmosfera rarida e ave jela. La temperatur la plu alta con la Sol tota ante ia es judida a 235 K (sirca -38 °C) en 5 maio, 1991. Pensante la distantia eliosentral alora, el dona un judi de la plu de ~239 K a perielio.
Un studia creada par Peter Thomas de Cornell University sujeste ce Ceres ave un interna separada: oservas con modeles de computador sujeste la presentia de un cor de roca, supraponeda con un litosfera de jela. Esta litosfera con un spesia de 160 a 60 km pote conteni 200 milion cilometros cuba de acua, plu multe ce la tota acua fresca en la Tera (ma min multe ce la tota acua en la Tera incluinte acua sal).
La polo norde de Ceres indica en la dirije de asende destra 19 h 24 min, desende +59°, en la constela de Draco. Esta sinifia ce la apoia asal de Ceres es multe poca (sirca 4±5°).
Aspetas
| La sistem solal | edit | |
| Planetas: | Mercurio | Venere | Tera (Luna) | Marte | Jove | Saturno | Urano | Netune |  |
| Planetas nana: | Ceres | Pluto | Eris | |
| Otras: | Sol | Stela | Sintur de Asteroides | Galasia | Nebla de stelas | Esplode Orijinal | |
