Ceres (planeta nana)
From LFN
|
| Imaje de Ceres creada en 2003-2004 par la Telescopio Hubble e publicada en 2005 |
Ceres, nomada ance 1 Ceres o (1) Ceres, es la planeta nana la plu poca en la Sistem Solal, e la sola locada en la Sintur de Asteroides. El nom veni de Ceres, la diva roman de la plantas cultivada e de la ama de madre. El ia es descovreda a 1 janero 1801 par Giuseppe Piazzi.
Con diametre de 975 × 909 km, el es la corpo la plu grande en la sintur de asteroides, e el conteni un tri de la masa tota de la sintur. Diferente de otra asteroides con masa plu poca, Ceres ave un corpo globin: no nonregulal como la otras.
Contenida |
Detales
| Descovror | Giuseppe Piazzi |
| Data de descovre | 1 janero 1801 |
| Nonsirculia (e) | 0.080 |
| Semiase major (a) | 413,715 Gm (2,766 UA) |
| Perielio (q) | 380,612 Gm (2,544 UA) |
| Afelio (Q) | 446,818 Gm (2,987 UA) |
| Periodo orbital | 1679.819 d (4,599 a) |
| Rapidia orbital media | 17,882 km/s |
| Inclina | 10,587° |
| Longitude de noda asendente (Ω) | 80,410° |
State
|
| Ceres compareda con la Luna |
Johann Elert Bode ia crede ce Ceres es la "planeta mancada" de ce Johann Daniel Titius ia proposa la esiste entre Marte e Jove, a un distantia de 419 milion km (2.8 UA) de la Sol.
On ia dona un simbol de planeta a Ceres, e trata el como planeta en libros e tables astronomial (con 2 Pallas, 3 Juno e 4 Vesta) per un di de sentenio – asta la descovre de otra planetetas. Par la poca grandia de Ceres, el inclina alga alta, e la fato ce el comparti un area orbital con 2 Pallas, Senior William Herschel ia crea en 1802 la terma asteroide (leteral: "como un stela"), scrivente: "Los sembla tan multe como stelas poca ce on los distingui apena de stelas, ance con telescopios multe bon."
Orbita
|
| Orbita de Ceres |
Ceres segue un orbita entre Marte e Jove, en la sintur xef de asteroides, con un periodo de 4,6 anios. La orbita es alga inclinada (i = 10,6° en compare de 7° per Mercurio e 17° per Pluto) e alga nonsircula (e = 0,08 en compare de 0,09 per Marte).
La scema mostra la orbita de Ceres (blu) e de varios otra planetas (blanca/gris).
Cualias fisical
Ceres es la ojeto la plu grande en la sintur de asteroides, ce es locada plu parte entre Marte e Jove.
A serta puntos de se orbita, la cuantia de brilia de Ceres pote tende a 7,0. On pensa ce esta brilia es tro oscur per es vidable con oios nuda, ma su un state de vista spesial, un person ci vide agu pote cisa vide la planeta nana. La sola otra asteroide vidable con oios nuda es 4 Vesta.
Con masa de 9.5×1020 kg, Ceres teni cuasi un tri de la masa tota de la asteroides en la sistem solal, 3.0±0.2×1021 kg. Nota ce esta masa tota es sola sirca 4% de la masa de la Luna.
Esiste alga indicas ce la suprafas de Ceres es relativa tepida, e ce el ave posable un atmosfera rarida e ave jela. La temperatur la plu alta (cuando la Sol es a supra) ia es judida a 235 K (sirca -38°C) a 5 maio 1991. Si on considera la distantia eliosentral de alora, on judi ce la temperatur masima es ~239 K a perielio.
Un studia fada par Peter Thomas de Cornell University sujeste ce Ceres ave un interna separeda: oservas con modeles de computador sujeste la esiste de un cor de roca, supraponeda par un litosfera de jela. Esta litosfera, con spesia de 120 a 60 km, pote conteni 200 milion cilometros cuba de acua, plu multe ce la tota acua fresca de la Tera (ma min multe si on inclui la acua salos).
La polo norde de Ceres es dirijeda a longitude de sielo 19 h 24 min, latitude +59°, en la constela de Draco. Esta sinifia ce la apoia asal de Ceres es multe poca (sirca 4±5°).
Aspetas
| La sistem solal | edit | |
| Planetas: | Mercurio | Venere | Tera (Luna) | Marte | Jove | Saturno | Urano | Netune |  |
| Planetas nana: | Ceres | Pluto | Eris | |
| Otras: | Sol | Stela | Sintur de Asteroides | Galasia | Nebla de stelas | Esplode Orijinal | |
