Constela
From LFN
Un constela es un grupo de stelas ce pare forma un imaje en la sielo.
La stelas de un constela no es vera relateda: la imajes resulta simple de la situa de la Tera en la universa, e donce de nos angula de regarda a la stelas.
La Unia Internasional de Astronomia divide la sielo a 88 constelas ofisial. A su es la nomes ofisial (en latina) e la nomes comun (en LFN). La leteras apoiada indica la constelas de la zodiaco.
La nom ofisial de un stela es composada de un letera elinica e la forma genitival de la nom latin — per esemplo: Alfa Centauri (o, plu corta, α Cen). En la linguaje comun nos dise Alfa de la Sentauro, Beta de la Urso Poca, etc. Alga stelas ave nomes simple como Beteljus, Polaris, Vega, etc.
- Andromeda / Andromeda (un carater de mitolojia)
- Antlia / la Pompa
- Apus / la Rondin
- Aquarius / la Acuor
- Aquila / la Agila
- Ara / la Altar
- Aries / la Ovea
- Auriga / la Caronor
- Boötes / la Pastor
- Caelum / la Sisel
- Camelopardalis / la Jirafa
- Cancer / la Crabe
- Canes Venatici / la Canes de Xasa
- Canis Major / la Can Grande
- Canis Minor / la Can Poca
- Capricornus / la Capra
- Carina / la Cilia
- Cassiopeia / Casiopea (un carater de mitolojia)
- Centaurus / la Sentauro
- Cepheus / Sefeo (un carater de mitolojia)
- Cetus / la Balena
- Chamaeleon / la Camaleon
- Circinus / la Compas
- Columba / la Pijon
- Coma Berenices / la Capeles de Berenise (un carater de mitolojia)
- Corona Australis / la Corona Sude
- Corona Borealis / la Corona Norde
- Corvus / la Corvo
- Crater / la Copa
- Crux / la Crus (o la Crus Sude)
- Cygnus / la Sinie (o la Crus Norde)
- Delphinus / la Delfin
- Dorado / la Dorado
- Draco / la Dragon
- Equuleus / la Cavaleta
- Eridanus / Eridano (un nom antica de la rio Po)
- Fornax / la Forno
- Gemini / la Jemelos
- Grus / la Gru
- Hercules / Hercule (un carater de mitolojia)
- Horologium / la Orolojo
- Hydra / la Idra (un monstro de mitolojia)
- Hydrus / la Idra Om (un monstro de mitolojia)
- Indus / la Indian
- Lacerta / la Lezardo
- Leo / la Leon
- Leo Minor / la Leon Poca
- Lepus / la Lepre
- Libra / la Balansa
- Lupus / la Lupo
- Lynx / la Lince
- Lyra / la Lira
- Mensa / la Table
- Microscopium / la Microscopio
- Monoceros / la Unicorno
- Musca / la Mosca
- Norma / la Cuadrador
- Octans / la Otante
- Ophiuchus / la Serpentor
- Orion / Orion (o la Xasor; un carater de mitolojia)
- Pavo / la Pavon
- Pegasus / Pegaso (un cavalo de mitolojia)
- Perseus / Perseo (un carater de mitolojia)
- Phoenix / la Fenix
- Pictor / la (Cavaleta de) Pintor
- Pisces / la Pexes
- Piscis Austrinus / la Pex Sude
- Puppis / la Popa (de barco)
- Pyxis / la Busola
- Reticulum / la Rede
- Sagitta / la Flexa
- Sagittarius / la Arcor
- Scorpius / la Scorpion
- Sculptor / la Scultor
- Scutum / la Scermo
- Serpens / la Serpente
- Sextans / la Sestante
- Taurus / la Bove
- Telescopium / la Telescopio
- Triangulum / la Triangula
- Triangulum Australe / la Triangula Sude
- Tucana / la Tucana
- Ursa Major / la Urso Grande
- Ursa Minor / la Urso Poca
- Vela / la Velas
- Virgo / la Virjin
- Volans / la Pex Volante
- Vulpecula / la Volpe
