Damas

From Vici de LFN

Table de damas La inisia de la jua

Damas es un jua de table stratejial entre du juores ci alterna move un peso en dirije diagonal. Cada juor ave pesos de un color, blanca or negra, e con se pesos el atenta prende la pesos de se competor par salta supra la otra pesos. La pesos supra ce es saltada debe es sutraeda.

Si un juor pote prende pesos, donce el debe prende pesos. Donce, un competor intelijente pote dona un peso prendable per crea la situa ce se competor, pos prende la peso, va perde plu pesos ce el ia prende.

Si un peso ariva a la cuadretas plu distante, el deveni un dama. La dama pote move como la bispo en xeces: si multe cuadretas diagonal si desireda. El pote prende otra pesos en esta modo ance.

La table de damas orijinal (draughts en engles) ave dimensiones de 10 x 10 cuadretas, ma la varia engles (English draughts o American checkers en engles) ave dimensiones de 8 x 8 cuadretas. En damas engles, la dama move como un peso comun, ma pote move e prende a retro ance.

Es multe otra varias de damas, relatada a varia nasiones.