Dao de jing

From LFN

La Dao de jing (Tao Te Ching en Wade-Giles, 道德經 en xines, prosima pronunsiada dau de djing en lfn) es la testo major de la relijio Dauisme (o taoisme). El es scriveda par Laozi (o Lao tsu en Wade-Giles).

Un trascrive par Sano:

Capitol un

La Tao ce pote parlada no es la tao eterna.
La nom ce pote clamada no es la nom eterna.
Sin nom es la orijin de paradiso e tera.
Clamada es la madre de multe cosas.
Esta modo, constante sin desira, se observa se esense.
Constante con desira, se observa se mostradas.
Estas du emerji junta ma difere en nom.
La unia es dise eser la misterio.
Misterio de misterios, la porta a tota demandas.

Un otra trascrive, par ActiveSelective:

1.  De la via vera

La via con un nom no es la via vera;
La nomes ce nos dise no es nomes vera.

Sielo e tera veni da el sin un nom;
Nomes es la madres de tota cosas.

Donce:
A multe veses, nos desvesti la emosia da nos,
perce nos pote vide la secreta de vive;
A multe veses, nos vide vive con la emosia,
perce nos pote vide la aperintes.

La secreta e la aperintes es la mesma;
Los nomes difere sola quando los aperi.

2.  La aperir de oposintes

Cuando la jente reconose belia como belia,
la reconosia de feia aperi ance.
Cuando la jente reconose bonia como bonia,
la reconosia de malia aperi ance.

Donce:
Eser e noneser es ambos nesesada per creser;
Facil e nonfacil es ambos nesesada per completar;
Longa e corta es ambos nesesada per longia;
Alta e basa es ambos nesesada per altia;
Tonos e voces e ambos nesesada per armonia;
Fronte e dorso e ambos nesesada per compania.

Donce la saja...
Dirije sa condui sin ata;
Presenta la veria sin verbas;
Tota cosas aperi, ma la saja no pasea da esas;
El dona vive a esas, ma el no retira;
El ata, ma el no colie;
El gania, ma el no desire la premio.