Eser, o no Eser
From LFN
"Eser, o no eser?" es un parla famos de Hamlet, la presenta teatral par la autor engles William Shakespear. Un tradui:
Eser? O no eser?
Esta es la demanda.
Nos pensa: Cual es plu noble?
Sufrir la dardos e la flexas de fortuna nonjusta?
O se armar contra un mar de menasas,
e per oposa, estinguir?
Morir... Dormir... No plu!
E credar ce per dormi,
finir la doles de la cor,
e la mil xocas natural ce la corpo gania -
esta es un completa sela desirada!
Morir... Dormir...
Ai, esta es la problem!
Per, en esta dormi de moria,
ce sonias pote veni,
cuando nos ia tire nos de esta spira de vive,
debe fa nos pausa.
Ala es la respeta
ce fa desastre de un vive tan longa:
La fadas mal de la opresor,
la maldises de la om orgulos,
la doles de amas despresada,
la retardas de lege,
la egosia de ofisia,
e la refusa ce prende
la virtua pasiente de la nonvaluada,
cuando el pote prende se cuieta
con un daga nuda.
Ci ta porta pacos,
roncante e suante en un vive fatigada,
sin ce la teme de alga cosa pos moria -
la pais nondescovreda,
de la bordas de ce no viajor va retorna -
confusa la vole,
e fa plu bon ce nos sufri la doles ce nos ave,
e no vola a otras ce nos no conose?
En esta modo, consiensa fa coardos de tota nos,
e en esta modo la tinje nativa de deside
es fa malada su la ombre pal de pensa;
e empresas de moves e osilas grande
en esta caso se corentes deverje,
e perde la nom de ata.
Cuieta aora: Ofelia, la bela!
Nimfa, en tu preas
tota me pecas ta es recordada.
