Espaniol

From LFN

Espaniol (español) es un lingua roman orijinal de la parte norde de Espania. El es la sola lingua ofisial de Espania completa, la plu de nasiones de America Latina, e un de la linguas ofisial de Gine Ecuatoral en Africa. En tota, 25 nasiones usa espaniol como se lingua prima. Plu, el es un lingua importante en 20 otra nasiones.

Espaniol ia orijina como un dialeto de latina tra la via streta e distante entre Cantabria, Burgos, Soria, e la Rioja provinsias de Espania norde. De ala, se usa estende gradal en la Rena de Castile, do el evolui e deveni ultima la lingua prinsipal de la governa e comersa. Plu tarde, el ia es trae a la Americas e otra partes de la mundo par esplorores e colonistes de Espania.

La lingua es parlada par entre 322 e 400 milion persones nativa, ce fa espaniol la lingua la plu poplal de la linguas roman. El es estimada ce la tota de parlores nativa e non-nativa de espaniol es sirca 500 milion. El es la lingua cuatro plu parlada en la mundo.

Espaniol es un de ses linguas ofisial de la Nasiones Unida. El es la lingua du plu poplal en la Statos Unida. En comersa, leteratur, filmas, television, e musica, espaniol es cresente rapida tra la mundo.

Per esemplo, la "Nos Padre" en espaniol:

Padre nuestro que Estás en los cielos:
Santificado sea tu nombre,
venga tu reino, sea hecha tu voluntad,
como en el cielo Así también en la tierra.
El pan nuestro de cada Día, Dánoslo hoy.
Perdónanos nuestras deudas,
como también nosotros perdonamos a nuestros deudores.
Y no nos metas en Tentación,
mas Líbranos del mal.
Porque tuyo es el reino, el poder
y la gloria por todos los siglos.
Amén.