Himalaia

From LFN

Himalaia (comun clamada "la Himalaias") es un sistem de montanias en Asia, entre la sucontinente de India e la plano alta de Tibet. Se nom veni de un parola Sanscrito per "la abitada de neva". El conteni la montanias la plu alta en la mundo: la "oto-miles" (los de plu ce 8 000 metres), incluinte Sagarmata (o Everest). Per comprende la grandia de Himalaia, considera ce el ave plu ce 200 montanias plu alta ce Aconcagua, la montania plu grande en America Sude. On dona a Himalaia la nometa "la teto de la mundo".

Himalaia estende tra ses nasiones: Butan, Xina, India, Nepal, Pacistan, e Afganistan. El es la orijin de tre de la sistemes de rios la plu grande: La Rio Indo, la Ganga-Bramaputra, e la Rio Iangtse. Himalaia es un sistem joven, la resulta de un xoca entre India e la resta de Asia sirca 70 milion anios ante aora. El ave 2 400 km de longia, entre 150 e 400 km de largia, e es composada de tre cadenas de montanias paralel.