Ilia Abu Madi
From LFN
Ilia Abu Madi es un poesior de Lubnan e un ami de Khalil Gibran. Se poesias es comun usada como la testos per cantas arabian. A su es esemplos de se poesia, traduida par myalee:
Presenta de Aniversaria
Me amada bela! Cual presenta me ta dona en tu aniversaria ? Anelo o brasaleta de oro ? Me no gusta cadenas sirca tu manos !! O miel dulse de color flamante como me cor !! Ma la miel vera es en tu labios roja !! O vino ? Ma en tota mundo ,no es vino Como esta ,ce versa de tu oios ebria ! Me no ave un cosa plu valuada ce la spirito ! Prende ! Me spirito es su tu comanda !
Sclavo negra
Supra la arbor es un pijon obesa E la gazel core joios en la campo Me es un xasor vera ajil Ma me senior ja proibi a me la xasa Parce me es sclavo La gal blanca es en la jardin El pasea orgulos e encantante sirca la floreria Me desira xasa la gal ma me no pote Parce me es sclavo Me sposa abita en acel cabana EL fas es negra como medianote !! Me senior va veni e prende el ! Me dio ! Ce scandal vil !! No es basta ce Me es sclavo ??!
Enigma
Do ia vade me rie e me plora cuando Me ia es poca enfante ? Do ia vade me esperas ,ce ia pasea junta con me a tota parte ? Tota estas ia es perdeda ja,ma como ? Me no sabe Me via? como es me via? Es el longa o corta? Es ce me asende supra el,desende de el O cade a su ?? O me e me via ambos sta entre ce la mundo core? Me no sabe Es me nova o antica en esta universa ? Es me libre o sclavo en cadenas ? Es me la senior de me mesma en vive o gidada ? Me desira saber ma regretable Me no sabe !! Mar ! Cuanto res ia construi casteles asta tu a note ! A matina ce segue , tota estas desapare en aira ! Mar ! Esce los va retorna ance ora o no ? O los esiste ja en arena de riva ? La arena dise : Me no sabe ! Mar ! Me mesma es un mar con du rivas como tu ! Los du es la doman nonsabeda E la ier ,ce ambos ia pasa junta con tu ! Mar ! Me e tu vera es como gota entre doman e ier ! No demanda a me , ce es doman ,ce es ier ? Me no sabe ! Mar ! Tu es prisonada !Como me lamenta deslibria ! Simile a me,tu es jigante ma sin defendes ! Tu ave miseria e despera como me los ave !! Donce cuando on resalva nos ambos? Me no sabe Mar ! Me ia demanda a arbores verde si los reconose tu favores ! Me ia demanda a perlas portada par fias bela si los recorda se orijin ! Pare ce los tota a me dise : Me no sabe Mar ! La ondas dansa supra tu Durante, un gera violente no sesa en fondo !! Tu crea pexes ma tu crea la balena comente vil ! En ventre tu combina ambos moria e vive bela ! Me Dio ! Es tu moreria o naseria ??! Me no sabe !!
