Immanuel Kant
From LFN
Immanuel Kant (* 22 april 1724 en Königsberg/Deutxland/Este-Prusia; † 12 febrero 1804 en Königsberg) ia es un de la filosofistes plu importante de la tempo nova. La opera "Critica de la razona pura" ia constui la comensa de la filosofia moderna.
Se declara prinsipal es, ce nos no pote conose la "cosa mesma", ma sola se apera, la "cosa per nos". Nos esperia la cosas de la mundo esterna sola par nos sensas, ma la mundo esterna es un produida de nos imajina sujetal. Spasio e tempo es la dependes de la esiste de la cosas. Nos no pote imajina la cosas nondependente de spasio e tempo per ce la imita de nos mente. Nos junta esta ideas como formas pura imajinal a nos sensas. Nos no pote sabe, si spasio e tempo esiste como otra cosas, per ce la conose es sujetal a cada tempo.
La ideas deveni spontaneo en la mente par la consiensa transendental. Esta consiensa es la fonte de tota categorias de la mente, ce es juntada de cualia, cuatia, relate, e modo. La umana no pote deside razonal, si dio e spirito esiste.
Ma nos no pote demanda condui etical (la razona pratical) sin alga nesesas:
- La vole libre, per ce un leje es sin sensa, si nos no pote deside libre.
- La nonmoria de la spirito, per ce nos prosimi a la leje etical debe ave valua pos la moria.
- La esite de dio, per ce sole dio pote vinse la oposa inter natura e etica.
Ce es lumina, Un responde a la demanda: ce es lumina?
