Johann Sebastian Bach
From LFN
Johann Sebastian Bach nase en Eisenach, Turingia en marto 21, 1685. Cuando el ave nove anios, se madre mori, e pos un anio se padre ance mori. Se frato ci es plu vea de 16 anios comensa eleva el, e instrui a el composa e toca la organo.
A causa de se toca eselente de organo, Johann Sebastian Bach en la anio 1703 deveni organiste en Arnstadt. Pos cuatro anios el move casa a Mühlhausen en Turingia, do el sposi a se sobrina Maria Barbara BACH. Ala el crea se prima cantatas. El deveni organiste cortal, e iom poste el deveni mestre de consertas a la corte de la duxe Wilhelm Ernst en Weimar. A causa de se despedi en la anio 1717 el debe pasa cuatro semanas en aresta.
De 1717 asta 1723 Bach es mestre de orcestra en la corte de la prinse Leopold von Anhalt-Köthen en Köthen. En la anio 1720 se sposa mori. Pos un anio el sposi ancora, a la cantiste Anna Magdalena Wülcken. De 1723 el es cantor en Leipzig. Ala el debe dirije no sola cosas musical, ma debe ance instrui la latina en la scola liada a la eglesa. Se ultima anios de vive el pasas en siecia. En 1749 el ave sirurjia de ambos oios. En julio 28, 1750, el mori en Leipzig. Pos se moria se musica perde poplalia, ma la composor Felix Mendelssohn Bartholdy fa el ancora poplal (a la comensa sola la operas relijios per organo). Aora on considera el como un de la composores plu grande de tota istoria.
Johann Sebastian Bach ave 17 enfantes, de ci 7 mori ante el. Cuatro fios ance deveni composores:
- Wilhelm Friedemann Bach se primanaseda, ci sta plu prosima a la moda de se padre.
- Carl Philipp Emanuel Bach ci deveni la plu famos (en se tempo el es plu famos ce se padre)
- Johann Christoph Friedrich Bach
- Johann Christian Bach es simile en se moda a Mozart.
1748, par Haussmann
