Gibran Khalil Gibran
From LFN
(Redirijeda de Khalil Gibran)
Gibran Khalil Gibran (1883-1931) es un poesior, desinior, e autor lubnani-american. El ia nase en Lubnan ma ia pasa la plu de se vive en SUA. Alga crede ce el es la poesior tre la plu famos en la mundo, pos Shakespeare e Lao Tse. A su es un poesia bon conoseda, traduida par myaleee:
Carnaval
(Discute entre un contemplante vea e un joven felis en foresta) Vea: Persones fa bon sola si obligada! La vilia en los no fini mesma pos mori! Fortuna fa move omes Como pupetas asta ce El para! No dise: Esta om es saja e acel om nobil! La plu capas de omes es como oveas Ce la pastor gida e Alga ovea ta mori si el no pasea! Joven: En foresta, es no pastor,no oveas! Inverno pasa ma no junta con primavera! Popla es creada como sclavos a Om Vinsente! Cuando El avansa a ante, tota los segue El! Trae a me la flauta, e tu canta! Car cantar vera lumina la mente ! E la melodia de flauta dura plu Longa ce la nobil e la sclavo ! Vea: La felisia en vive es fantasma desirable! Si el deveni corpo e on oteni el, on omete el pronto! Como la rio core ma el para si el prosimi la riva! La om es contente per xerca la proibidas! Si el teni los, el descura los! Si tu trova un felis Ci no vole la proibidas, Tu ta dise ce el es un fol rara! Joven: En foresta es no aspira, no despera! Per la foresta nesesa un parte E el posese vera la tota?? Perce la foresta xasa la espera E el es mesma la espera! Trae a me la flauta, e tu canta! Car vera cantar es e lus e foco! E la melodia de flauta plase la spirito! Vea: La mori en tera es la fini per umanas de tera! Ma per spiritos eteral, mori es comensa e vinse! Ci vide sonias encantanta, gania gloria! E ci pasa se note en dormi, perde perinte! La mori es como la mar! La lejera om traversa fasil E la pesos inonda a su! Joven: En foresta es no mori, no tombas! Si april pasa, se joias no pasa con el! La panica de mori es sin funda Ma resta en peto de om! Ci vive un primavera es simil A esta ci vive anios sin numero! Trae a me la flauta, e tu canta! Car cantar es secreta de eternia! E vera la melodia de flauta Resta pos la fini de esiste!
