La Bon Samaritan

From LFN

La Bon Samaritan es un narada par Jesus en la Atesta Nova de la Biblia.

La Bon Samaritan (de un colie de arte crististe en la domina publica)

Lucas 10:25 a 10:37

25. Un ves, un esperto legiste ia sta se per demanda a Jesus, e dise: Instruor, ce me debe fa per erita la vive eterna?

26. Jesus dise a el: Ce es scriveda en la lege? Ce tu leje?

27. E el responde: Tu ta ama la Senior, tu Dio, con tu tota cor e tu tota spirito e tu tota potia e tu tota mente, e tu ta ama tu visina como tu mesma.

28. E Jesus dise a el: Tu responde coreta: Fa esta e tu va vive.

29. Ma el, volente justi se, dise a Jesus: E ci es me visina?

30. E Jesus responde: Un serta om ia vade de Jerusalem a Jerico, e veni entre furores ci sutrae se vestes, e feri el, e ia departi, lasante el prosima a moria.

31. E per acaso, un serta prete veni par esta via, e cuando el vide la om, el pasa a la otra lado.

32. E a mesma modo, un membro de la tribu de Levi, cuando el veni a esta loca, vide el, e pasa a la otra lado.

33. Ma un serta samaritan viajante ariva do la om es, e, cuando el vide el, el compati el.

34. E el vade a el, e banda se feridas, e aplica olio e vin, e pone el supra se propre besta, e trae el a un otel, e cura el.

35. E a la matina, el estrae du sentimes, e dona esas a la otelor, e dise a el: Cura el, e si tu debe spende plu, cuando me reveni, me va repaia a tu.

36. Seguente tu pensas, cual de esta tre omes es la visina per el ci ia veni entre furores?

37. E el dise: El ci ia mostra compati a el. Donce Jesus dise a el: Vade, e fa la mesma.