La Jigante Egoiste

La Jigante Egoiste
par Oscar Wilde

The Selfish Giant
by Oscar Wilde

A cada posmedia, cuando los veni de la scola, la enfantes vade per jua en la jardin de la Jigante.

Every afternoon, as they were coming from school, the children used to go and play in the Giant's garden.

El es un jardin grande e deletante, con erba verde e mol. Asi e ala supra la erba sta flores bela como stelas, e se trova des-du pexos ce en la primavera esplode con flores delicata de rosa e perla, e en la autono fruti abundante. La avias reposa sur la arbores e canta tan dulse ce la enfantes sesa frecuente se juas per escuta los. "Ce felis nos es asi!" los dise a se.

It was a large lovely garden, with soft green grass. Here and there over the grass stood beautiful flowers like stars, and there were twelve peach-trees that in the spring-time broke out into delicate blossoms of pink and pearl, and in the autumn bore rich fruit. The birds sat on the trees and sang so sweetly that the children used to stop their games in order to listen to them. "How happy we are here!" they cried to each other.

Ma a un dia la Jigante reveni. El ia vade per visita se ami, la Ogro Cerneues, e abita con el tra sete anios. Cuando la sete anios es pasada, el ia dise ja tota ce el ave per dise, car se conversa es limitada, e la Jigante deside reveni a se propre castel. Cuando el ariva, el vide la enfantes juante en la jardin.

One day the Giant came back. He had been to visit his friend the Cornish ogre, and had stayed with him for seven years. After the seven years were over he had said all that he had to say, for his conversation was limited, and he determined to return to his own castle. When he arrived he saw the children playing in the garden.

"Ce vos fa asi?" el cria par vose multe ru, e la enfantes fuji.

"What are you doing here?" he cried in a very gruff voice, and the children ran away.

"Me propre jardin es me propre jardin," dise la Jigante; "cualce person pote comprende acel, e me permete ce nun jua en el, ma sola me."

"My own garden is my own garden," said the Giant; "any one can understand that, and I will allow nobody to play in it but myself."

Donce el construi un mur alta sirca la tota, e erije un sinia de avisa.

So he built a high wall all round it, and put up a notice-board.

INVADORES
VA ES
PUNIDA

TRESPASSERS
WILL BE
PROSECUTED

El es un Jigante multe egoiste.

He was a very selfish Giant.

La enfantes povre ave aora no loca de jua. Los atenta jua sur la rua, ma la rua es multe polvos e plen de petras dur, e los no gusta el. Los vaga frecuente sirca la mur alta pos la fini de se lesones, e parla de la jardin bela a la interna. "Ce felis nos ia es ala," los dise a se.

The poor children had now nowhere to play. They tried to play on the road, but the road was very dusty and full of hard stones, and they did not like it. They used to wander round the high wall when their lessons were over, and talk about the beautiful garden inside. "How happy we were there," they said to each other.

Alora la Primavera reveni, e tota partes de la campania ave flores peti e avias peti. Sola en la jardin de la Jigante Egoiste es ancora la inverno. La avias no desira canta en el car la enfantes no se trova, e la arbores oblida flori. A un ves un flor bela leva se testa de su la erba, ma cuando el vide la sinia de avisa, el compati tan multe la enfantes ce el lisca de nova su la tera e adormi.

Then the Spring came, and all over the country there were little blossoms and little birds. Only in the garden of the Selfish Giant it was still winter. The birds did not care to sing in it as there were no children, and the trees forgot to blossom. Once a beautiful flower put its head out from the grass, but when it saw the notice-board it was so sorry for the children that it slipped back into the ground again, and went off to sleep.

La solas ci es contente es la Neva e la Jela. "La Primavera oblida esta jardin," los cria, "donce nos va abita asi tra la tota de la anio."

The only people who were pleased were the Snow and the Frost. "Spring has forgotten this garden," they cried, "so we will live here all the year round."

La Neva covre la erba par se capa grande e blanca, e la Jela pinta arjentin tota arbores. Alora los invita la Venta Norde per resta con los, e el veni. El es envolveda en pelos, e el ruji tra la tota de la dia entre la jardin, e fa cade par sofla la xapetas de la ximine. "Esta es un loca deletante," el dise, "nos debe invita la Granizo per visita." Donce la Granizo veni. En tre oras de cada dia el bata ruidos sur la teto de la castel, asta cuando el rompe la plu multe ardosias, e alora el core multe sirca la jardin tan rapida como el pote. El es gris vesteda, e se respira sembla la jela.

The Snow covered up the grass with her great white cloak, and the Frost painted all the trees silver. Then they invited the North Wind to stay with them, and he came. He was wrapped in furs, and he roared all day about the garden, and blew the chimney-pots down. "This is a delightful spot," he said, "we must ask the Hail on a visit." So the Hail came. Every day for three hours he rattled on the roof of the castle till he broke most of the slates, and then he ran round and round the garden as fast as he could go. He was dressed in grey, and his breath was like ice.

"Me no pote comprende per ce la Primavera veni tan tarda," dise la Jigante Egoiste, sentante a la fenetra e regardante se jardin fria e blanca; "me espera ce la clima va cambia."

"I cannot understand why the Spring is so late in coming," said the Selfish Giant, as he sat at the window and looked out at his cold white garden; "I hope there will be a change in the weather."

Ma la Primavera ariva nunca, e nunca la Estate. La Autono dona frutas orin a cada jardin, ma a la jardin de la Jigante el no dona. "El es tro egoiste," el dise. Donce es sempre la Inverno ala, e la Venta Norde, e la Granizo, e la Jela, e la Neva fa se dansas entre la arbores.

But the Spring never came, nor the Summer. The Autumn gave golden fruit to every garden, but to the Giant's garden she gave none. "He is too selfish," she said. So it was always Winter there, and the North Wind, and the Hail, and the Frost, and the Snow danced about through the trees.

A un matina la Jigante reposa veliada en se leto cuando el oi un musica bela. El sona tan dulse a se oreas ce el suposa sin duta ce la musicistes de la re prosimi. Vera, es sola un pinsoneta peti ce canta estra se fenetra, ma tra tan multe tempo el no escuta un avia cantante en se jardin ce la musica pare a el como la plu bela de la mundo.

One morning the Giant was lying awake in bed when he heard some lovely music. It sounded so sweet to his ears that he thought it must be the King's musicians passing by. It was really only a little linnet singing outside his window, but it was so long since he had heard a bird sing in his garden that it seemed to him to be the most beautiful music in the world.

Alora la Granizo sesa dansa supra se teto, e la Venta Norde sesa ruji, e un parfum deletante veni a el tra la fenetra abrida.

Then the Hail stopped dancing over his head, and the North Wind ceased roaring, and a delicious perfume came to him through the open casement.

"Me crede ce la Primavera ia veni a fini," dise la Jigante; e el salta de la leto e regarda a estra.

"I believe the Spring has come at last," said the Giant; and he jumped out of bed and looked out.

Ce el vide?

What did he see?

El vide un vista la plu mervelios. Tra un buco peti en la mur la enfantes ia entra rampante, e los senta sur la ramos de la arbores. Sur cada arbor ce el pote vide se trova un enfante peti. E la arbores es tan felis de ave la enfantes de nova, ce los ia se covre par flores, e branda dulse se brasos supra la testas de la enfantes. La avias vola entre tota e pia de deleta, e la flores regarda a supra tra la erba verde e rie.

He saw a most wonderful sight. Through a little hole in the wall the children had crept in, and they were sitting in the branches of the trees. In every tree that he could see there was a little child. And the trees were so glad to have the children back again that they had covered themselves with blossoms, and were waving their arms gently above the children's heads. The birds were flying about and twittering with delight, and the flowers were looking up through the green grass and laughing.

Es vera un sena bela, ma en un parte de la jardin es ancora la inverno. Acel es la parte de la jardin la plu distante, e ala sta un fio peti. El es tan peti ce el no pote se estende a la ramos de la arbor, e el vaga multe sirca el, plorante amarga. La arbor povre es ancora plen covreda de jela e neva, e la Venta Norde sofla e ruji supra el. "Asende! fio peti," dise la Arbor, e el curvi se ramos a tan basa como el pote. Ma la fio es tro pico.

It was a lovely scene, only in one corner it was still winter. It was the farthest corner of the garden, and in it was standing a little boy. He was so small that he could not reach up to the branches of the tree, and he was wandering all round it, crying bitterly. The poor tree was still quite covered with frost and snow, and the North Wind was blowing and roaring above it. "Climb up! little boy," said the Tree, and it bent its branches down as low as it could; but the boy was too tiny.

E la cor de la Jigante fonde cuando el regarda a estra. "Ce egoiste me ia es!" el dise; "aora me sabe per ce la Primavera no ia vole veni asi. Me va pone acel fio peti e povre a la culmine de la arbor, e a pos me va fa cade la mur, e me jardin va es la jueria de la enfantes per la tota de la tempo." El regrete vera la cosas ce el ia fa.

And the Giant's heart melted as he looked out. "How selfish I have been!" he said; "now I know why the Spring would not come here. I will put that poor little boy on the top of the tree, and then I will knock down the wall, and my garden shall be the children's playground for ever and ever." He was really very sorry for what he had done.

Donce el vade silenta a su e abri cuieta la porta xef, e sorti en la jardin. Ma cuando la enfantes vide el, los es tan asustada ce los tota fuji, e la jardin deveni inverno de nova. Sola la fio peti no fuji, car se oios es tan plen de larmas ce el no vide la veni de la Jigante. E la Jigante prosimi jentil de pos e prende el en se mano, e leva el a sur la arbor. E la arbor flori subita, e la avias veni per canta sur el, e la fio peti estende se du brasos e lansa los sirca la colo de la Jigante, e besa el.

So he crept downstairs and opened the front door quite softly, and went out into the garden. But when the children saw him they were so frightened that they all ran away, and the garden became winter again. Only the little boy did not run, for his eyes were so full of tears that he did not see the Giant coming. And the Giant stole up behind him and took him gently in his hand, and put him up into the tree. And the tree broke at once into blossom, and the birds came and sang on it, and the little boy stretched out his two arms and flung them round the Giant's neck, and kissed him.

E la otra enfantes, cuando los vide ce la Jigante es no plu mal, reveni corente, e con los veni la Primavera. "Aora la jardin es a vos, enfantes peti," dise la Jigante, e el prende un axa grande e fa cade la mur. E cuando la popla vade a la mercato a media-dia, los trova la Jigante juante con la enfantes en la jardin la plu bela ce los ia vide nunca.

And the other children, when they saw that the Giant was not wicked any longer, came running back, and with them came the Spring. "It is your garden now, little children," said the Giant, and he took a great axe and knocked down the wall. And when the people were going to market at twelve o'clock they found the Giant playing with the children in the most beautiful garden they had ever seen.

Los jua tra la dia total, e en la sera los vade a la Jigante per dise adio a el.

All day long they played, and in the evening they came to the Giant to bid him good-bye.

"Ma do es tu camerada peti?" el demanda: "la fio ci me ia pone sur la arbor?" La Jigante ama el la plu multe, car la fio ia besa el.

"But where is your little companion?" he said: "the boy I put into the tree." The Giant loved him the best because he had kissed him.

"Nos no sabe," responde la enfantes; "el ia departi."

"We don't know," answered the children; "he has gone away."

"Vos debe dise a el ce serta el veni asi doman," dise la Jigante. Ma la enfantes dise ce los no sabe do el abita, e ce los ia vide el nunca a ante; e la Jigante senti multe triste.

"You must tell him to be sure and come here to-morrow," said the Giant. But the children said that they did not know where he lived, and had never seen him before; and the Giant felt very sad.

A cada posmedia, pos la fini de se lesones, la enfantes veni e jua con la Jigante. Ma on revide nunca la fio peti ci la Jigante ama. La Jigante es multe amable con tota enfantes, ma el anela se ami peti e prima, e parla frecuente de el. "Como ta plase a me vide el!" el abitua dise.

Every afternoon, when school was over, the children came and played with the Giant. But the little boy whom the Giant loved was never seen again. The Giant was very kind to all the children, yet he longed for his first little friend, and often spoke of him. "How I would like to see him!" he used to say.

La anios pasa, e la Jigante deveni multe vea e debil. El pote no plu jua, donce el senta en un senton grande, e oserva la enfantes en se juas, e amira se jardin. "Me ave multe flores bela," el dise; "ma la enfantes es la flores la plu bela de tota."

Years went over, and the Giant grew very old and feeble. He could not play about any more, so he sat in a huge armchair, and watched the children at their games, and admired his garden. "I have many beautiful flowers," he said; "but the children are the most beautiful flowers of all."

A un matina de inverno el regarda tra la fenetra cuando el veste se. Aora el no odi la inverno, car el sabe ce el es simple la primavera dorminte, e ce la flores reposa.

One winter morning he looked out of his window as he was dressing. He did not hate the Winter now, for he knew that it was merely the Spring asleep, and that the flowers were resting.

Subita el frota stonada se oios, e regarda multe. Es serta un sena mervelios. En la parte plu distante de la jardin se trova un arbor covreda de flores blanca e bela. Tota se ramos es orin, e frutas arjentin pende de los, e a su sta la fio peti ci el ia ama.

Suddenly he rubbed his eyes in wonder, and looked and looked. It certainly was a marvellous sight. In the farthest corner of the garden was a tree quite covered with lovely white blossoms. Its branches were all golden, and silver fruit hung down from them, and underneath it stood the little boy he had loved.

Plen de joia, la Jigante core a su, e sorti en la jardin. El freta tra la erba, e prosimi a la enfante. E cuando el veni vera prosima, se fas roji par coleria, e el dise, "Ci ia osa feri tu?" Car sur la palmas de la manos de la enfante es la marcas de du clavos, e la marcas de du clavos es sur la pedes peti.

Downstairs ran the Giant in great joy, and out into the garden. He hastened across the grass, and came near to the child. And when he came quite close his face grew red with anger, and he said, "Who hath dared to wound thee?" For on the palms of the child's hands were the prints of two nails, and the prints of two nails were on the little feet.

"Ci ia osa feri tu?" cria la Jigante; "dise a me, per ce me prende me spada e mata el."

"Who hath dared to wound thee?" cried the Giant; "tell me, that I may take my big sword and slay him."

"No!" responde la enfante; "ma esta feris es de la Ama."

"Nay!" answered the child; "but these are the wounds of Love."

"Ci es tu?" dise la Jigante, e un teme strana glorios pleni el, e el cade a jenos ante la fio peti.

"Who art thou?" said the Giant, and a strange awe fell on him, and he knelt before the little child.

E la enfante surie a la Jigante, e dise a el, "Tu ia permete a me jua a un ves en tu jardin; oji tu va veni con me a me jardin, ce es la Paradiso."

And the child smiled on the Giant, and said to him, "You let me play once in your garden, to-day you shall come with me to my garden, which is Paradise."

E cuando la enfantes ariva corente en acel posmedia, los trova la Jigante reposante mor su la arbor, e tota covreda de flores blanca.