La Testo De Babel

From LFN

La testo de Babel es un narada en la Atesta Vea de la Biblia ce esplica la orijin de la multe linguas de la mundo. Esta sita es frequente usada per mostra linguas artifisial, como Lingua Franca Nova.

1. E la tota tera ia ave un sola lingua e la mesma parolas.

2. E cuando la popla ia parti a la este, los ia trova un plano en la pais
   de Xinar e vade abita ala.

3. E los ia dise a se "Veni! Nos va fa brices e va coce los en la foco!" 
   Los ia usa brices per petra e catran per semento.

4. E los ia dise a se "Veni! Nos va construi un site e un tore con se 
   testa en la sielo! E nos va fa un nom grande per nos per ce nos no 
   va es dispersada tra la tota tera!"

5. E Iaue* ia desende per vide la site e la tore ce la popla ia es
   construinte.

6. E Iaue ia dise "Vide! Los es un sola poplo e los ave un sola lingua, e 
   los ia pote fa esta! Esta ora, no cosa ce los tenta fa va es impedida!

7. "Veni! Nos va desende e nos va confusa se lingua per ce cada un no va 
   comprende la otra un!"

8. E Iaue ia dispersa los tra la tota tera, e los ia sesa construi la site.

9. Per esta causa la loca es clamada Babel, per ce Iaue ia confusa la lingua
   de la tota tera, e de ala Iaue ia disperse la popla tra la tota tera.

---

Escuta la testo (MP3 390 KB)