La crea (1 Mose 1)
From LFN
La crea es la narada prima de la Tora (per Judistes) Testa Vea de la Biblia (per Crististes).
1 En la comensa Dio ia crea sielo e tera.
2 E la tera ia es un caos vacua, e es ia oscura en la profondia, e la spirito de Dio ia suspende supra la acua.
3 E Dio ia dise: Esista lus! E lus ia esista.
4 E Dio ia vide, ce la lus ia es bon. Alora Dio ia divide la lus de la oscuria
5 e El ia clama la lus dia e la oscuria note. Alora ia es de sera e matina la dia prima.
6 E Dio ia dise: Esista solidia entra la acua, ce divide la acua.
7 Alora Dio ia fa la solidia e ia divide la acua su la solidia de la acua supra la solidia. E esta modo esa ia ocure.
8 E Dio ia clama la solidia sielo. Alora ia es de sera e matina la dia du.
9 E Dio ia dise: La acua colie su la siela a locas spesial, ce nos vide la seca. E esta modo esa ia ocure.
10 E Dio ia clama la seca tera, e El ia clama la colie de la acua mar. E Dio ia vide, ce esa ia es bon.
11 E Dio ia dise: La tera lasa crese erbas, ce los trae semes, e arbores fertil a la tera, ce cade porta frutas, en ce es los seme, como nesesa per los spesie. E esta modo esa ia ocure.
12 E la tera ia lasa crese erbas, ce los trae semes, como nesesa per los spesie, e arbores ce cade ia porta frutas, en ce es los seme, como nesesa per los spesie. E Dio ia vide, ce esa ia es bon.
13 Alora ia es de sera e matina la dia tre.
14 E Dio ia dise: Esista lumes a la duria de la sielo, ce separa dia e note, e dona sinias, tempos, dias e anios
15 e es lumes a la duria de la sielo, ce los brilia a la tera. E esta modo ia ocure.
16 E Dio ia fa du lumes grande: un lus grande, ce governa la dia e un lus poca, ce governa la note, e ance la stelas.
17 E Dio ia pone los a la duria de la sielo, ce los ia brilia a la tera
18 e ia governa la dia e la note e ia divide lus e oscuria. E Dio ia vide, ce esa ia es bon.
19 Alora ia es de sera e matina la dia cuatro.
20 E Dio ia dise: La acua xama con animales vivante, e avias vola a la tera su la duria de la sielo.
21 E Dio ia crea balenas grande e tota animales, ce vive e ce xama en la acua, cade en el spesie, e tota avias con plumas, cade en el spesie. E Dia ia vide, ce esa ia es bon.
22 E Dio ia bondi los e ia dise: Los es fertil e reprodui los, e los pleni la acua de la mar, e la avias reprodui a la tera.
23 Alora ia es de sera e matina la dia sinco.
24 E Dio ia dise: La tera crea animales vivante, cade en el spesie: Boves, vermes e animales de la campo, cade en el spesie. E esta modo esa ia ocure.
25 E Dio ia fa la animales de la campo, cade en el spesie, e la boves en los spesie e la vermes de la solo en los spesie. E Dio ia vide, ce esa ia es bon.
26 E Dio ia dise: Nos fa umanas, como un imaje simile de nos, ce los governa supra la pexes en la mar e supra la avias su la sielo e supra la boves e supra tota animales de la campo e supra tota vermes, ce move a la tera.
27 E Dio ia crea la umana como el imaje, El ia crea el como imaje de Dio. E El ia crea los como om e fem.
28 E Dio ia bondi os e dise a los: Vos es fertil e reprodui vos e pleni la tera e es superior de el e governa supra la pexes en la mar e supra la avias su la sielo e supra la boves e supra tota animales, ce move a la tera.
29 E Dio ia dise: Vide, me ia dona a vos tota plantas a la tota tera, ce trae semes, e tota arbores con frutas, ce trae semes, a vos comeda.
30 Ma a tota animales e a tota avias su la sielo e a tota vermes, ce vive a la tera, me ia dona la erbes verde a la comeda. E esta modo esa ia ocure.
31 E Dio ia vide tota, ce El ia fa, e vide, esa ia es bon. Alora ia es de sera e matina la dia ses.
