Limitas de crese
From LFN
La limitas de crese (orijinal engles: The Limits to Growth) es un studia de Dennis L. Meadows de la anio 1972 supra la futur de la economia mundal. Par la medio de un model de computador se ecipo ia computa varios senas de la developa de la economia futural. La libro ia influense forte la movia de proteje de la ambiente. Pos esa libro prima plu libros ia segue par la mesma autor, ce ia fa la declaras plu esata e renovi los.
Contenida |
La limitas de crese (1972)
La resulta de la computa ia es ce la cuanto de popla e la economia mundal va crese asta sirca la anio 2030, ma va es segueda de un cambia subita. La causa de esta condui es ricias de solo limitada e un cuanto de popla ce ia crese forte. La sola posablia per evita esa ta es atas intensa per la proteje de la ambiente e restrinjes jeneral de nases. Ma esta nesesas ia ne pote reali political.
La limitas nova de crese (1992)
Esta libro ia es publicada en 1992. La computas ia es repetada con datas plu nova. Per esemplo los ia sabe aora, ce la ricias de solo es plu grande ce suposada en 1972. Los ance ia considera la developa diferente en partis diferente de la mundo. Ma la resulta no ia difere vera de la computa prima.
En la anio 2000 Meadows ia publica ce nos no pote ariva a un state stable con la cuanto de popla mundal de aora.
La renovi pos 30 anios (2004)
En acel anio on ia publica un libro nova con la nom La limitas de cese: la renovi pos 30 anios (Limits to Growth: The 30-Year Update). La computa nova tende asta la anio 2100. En la plu multe senas la economia va traversa la limitas de crese ante 2100 e cade pos la ora. Si nos va continua nos condui como aora, donce la cade va ocure en la anio 2030. Ance si nos usa normas vera streta de proteje de la ambiente e de nonperintia, donce nos pote fa la resulta sola plu jentil. En esta casa un sosia stable con sirca 8 mil milion umanas ta es posable.
La studia descrive ance alga developas pos la studia prima de 1972. Cualias importante es la crese de la diferes sosial, la cualia plu mal de la solo, la prende tro estendeda de pexes de la mares, e la consuma de ricias fosil. La capasia de la tera es consumada.
Seguentes
On ave dutas supra la esatia de la resultas cuantial. Per esemplo, nos pote dise ce la predis de 1972 no ia ocure. Ma nos debe nota ce en 1973 la crise de olio ia ocure. El ia gida a costas plu alta e a consuma min perinte. Asta aora los ance ia descovre plu ricias de solo. Jeneral nos pote dise, ce la progresa tecnolojical ofre posablias nova.
Ma nos ance sabe ce la resultas cualial es coreta. Nos no debe ignora esas. La demanda desidente es ce nos pote fa concreta. Ante tota, nos debe para la crese de popla. E nos debe trova un tipo de economia vera nonperinte. E nos debe trova tal solves ce no gida a problemes sosial grande. Probable nos va debe aprende viver con un state de vive plu basal.
