Lingua Franca Nova

From LFN

Eста пaжe eн лeтeрac кириликa

Esta es la article Lingua Franca Nova (LFN). La categoria Lingua Franca Nova teni plu articles supra Lingua Franca Nova.

Lingua Franca Nova es desiniada per es un lingua vera simple, coerente, e fasil aprendeda, per comunica internasional. El ave varios cualia bon:

El ave un numero limitada de fonemes. El sona simila a italian o espaniol.
El es scriveda como el sona. No enfante deve pasa multe anios studia nonregulas!
El ave un gramatica vera simple e regula. El es min complicada en esta caso como engles o indonesian.
El ave un grupo limitada e tota regula de afisas produinte per crea parolas nova.
El ave regulas de la ordina de parolas bon definada, como multe linguas major.
El ave un lista de parolas fundada en la linguas roman moderne. Esta linguas es comun e influensente, e ia contribui la parte major de parolas engles.
El es desiniada per es asetante natural de parolas tecnical de latina e elinica, la "norma de mundo" per fato.
El es desiniada per aperi plu parte "natural" per los ci comprende la linguas roman, ma no min fasil per otras.

[cambia]

La alfabeta

Latina

Cirilica

IPA

[a]

[b]

[k]

[d]

[e]

[f]

[ɡ]

[i]

[ʒ]

[l]

[m]

[n]

[o]

[p]

[r]

[s]

[t]

[u]

[v]

[ʃ]

[z]

Nomes

i es /j/ entre vocales e prima ante vocales, e en ni e li entre vocales
u es /w/ entre vocales, prima ante vocales, e en cu e gu ante vocales
n es /ŋ/ ante c e g

es cuatro ditongos: ai (/aj/), oi (/oj/), au (/aw/), eu (/ew/)

la asentua es a la vocal ante la consonante ultima, o, si no posable, a la vocal prima:
- féma, óm, mé, tía
la plural (-s o -es) no altera la asentua:
- fémas, ómes...

[cambia]

Ordina de parolas

sujeta - verbo - ojeta
- la fema ama la casa
particulos - nom (sustantivo) - ajetivos
- la casa grande
tempo - verbo aidante - verbo major - averbos
- me va debe pasea atendente

[cambia]

La particulas prenomal

la -- la particulo definida
un -- la particulo nondefinida

Otra particulas prenomal:

esta -- la cosa o person asi
acel -- la cosa o person ala
tota -- la completa o la completa cuantia
cada -- tota individuas
multe -- un numero grande
alga -- un numero nondefinada
poca -- un numero no grande
no -- zero

[cambia]

La pronomes personal

	simple	plural
person un	me	nos
person du	tu	vos
person tre	el	los

per cosas, un pote usa ance esa e esas.
la pronomes es ance usada per la forma de posese:
- el es me gato = el es la gato de me
se es la pronom refletante e la forma de posese de person tre, simple o plural:
- el es se gato, el colpa se
on es la pronom nondefinada, como la on en franses, o como man en deutx.

[cambia]

Otra pronomes

ce (cosas)
ci -- ce persones? la persones ce...
cual (de varios)
cuando -- ce ora? la ora ce...
cuanto -- ce cuantia? la cuantia ce...
do -- ce loca? la loca ce...
como -- ce modo? la modo ce...
per ce -- ce causa? ce intende? la causa ce... la intende ce...
par ce -- la causa ce... la intende ce...

[cambia]

La gramatica

-s (o -es pos consonantes) funda la plural de nomes:
- omes e femas
ia ante la verbo funda la pasada:
- tu ia labora
va ante la verbo funda la futur:
- tu va labora

ta ante la verbo indica ce la ata es nonreal o posable:
- si tu demanda, me ta labora
tu pote construi otra frases verbal con es:
- nos es dansante; el es finida

verbos intransitivo deveni verbos causal per junta un ojeta:
- me senta; me senta la familia
tu pote clari la sensa con parolas como fa e se:
- me senta me; me fa senta la familia

averbos es la mesma como ajetivos:
- un om felis, el dansa felis
per compare du cosas o personas, usa plu o min:
- el es plu grande ce me; me es min grande ce el
per indica ce un es plu o min de tota, usa la plu o la min:
- el es la plu grande; me es la min grande

per funda un demanda, leva la vose a la fin de la frase, o comensa la frase con es ce..., o usa otra parolas ce indica un demanda:
- tu parla italian? es ce tu parla italian? ci parla italian?

un verba sin sujeta vera no usa un sujeta:
- pluve? es bon!

[cambia]

Prefisas

des- -- reversa un ata:
- infeta > desinfeta
re- -- fa un ata ancora:
- lua > relua
non- -- no o la contra:
- felis > nonfelis

[cambia]

Sufisas

-or -- un person ci fa un ata o labora con un cosa:
- dirije > dirijor
- carne > carnor
-ador -- un util, strumento, o macina ce fa un ata, crea un cosa, o opera con un cosa:
- lava > lavador
- umida> umidador
-eria -- un loca de labora, un boteca, un ofisia:
- carne > carneria
- flor > floreria

-eta -- un cosa plu poca, la enfante de alga animal, abitos interna...
- flora > floreta
-on -- un cosa o animal plu grande, abitos esterna o pesa...
- veste > veston

-isme -- un relijio, filosojia, o otra crede:
- Buda > budisme
-iste -- un person ci ave un serta crede o practica un siensa:
- budisme > budiste
- psicolojia > psicolojiste

-r -- la infinitivo de un verbo, ce ata como un nom consetal:
- donar
-ia -- un nom consetal de un nom o ajetivo:
- madre > madria
- vana > vania

-i -- deveni, o fa deveni...
- verde > verdi
-a -- usa un util, strumento, o macina:
- telefon > telefona

-in -- como un...
- serpente > serpentin
-os -- plen de...
- zucar > zucaros
-al -- de..., consernante..., pertinente a...
- nasion > nasional

-able -- capas de o valuada per es la ojeto de un ata:
- ama > amable.

-nte -- la ajetivo verbal ativa, ce pote ata ance como un nom:
- la om ci dona > la om donante > la donante
-da -- la ajetivo verbal pasiva, ce pote ata ance como un nom:
- la flores ce es donada > la flores donada > la donada