Linguas Anatolian
From LFN
La linguas Anatolian es un grupo de linguas estinguida de la linguas Indo-Europan. Los es parlada en Anatolia (Turcia moderne). La plu bon studiada es la lingua Hitita.
La linguas anatolian incluinte...
- Hitita (nesili), atesta de circa 1900 aec a 1100 aec, la lingua ofisial de la Impero Hititan.
- Luvian (luwili), un relata prosima de Hitita en la areas prosima a la Impero Hititan; conoseda per sitas corta en testos Hititan e ieroglifos de selos e sisilada en rocas.
- Palaica, parlada en Anatolia norde-sentral, estinguisda sirca la sentenio 13 aec, conoseda sola de un poca de predas sitada en testos Hititan.
- Carian, parlada en Caria, conoseda per grafiti par soldatas-per-lua en Egipte de la sentenio sete aec; estinguida sirca la sentenio tre aec.
- Lician, parlada en Licia, e Lidian, parlada en Lidia, ambos desendeda de Hitita e Luvian en la eda de fero, ambos estinguida en sirca la sentenio prima; poca esemplos.
- Pisidian e Sidetica (Pamfilian); poca esemplos.
Es probable ce es plu linguas de esta familia ce no ave scrivedas recordada, como la linguas de Misia, Capadocia, e Paflagonia.
La linguas Anatolian es crededa es la prima grupo ce devia de la lingua Proto-Indo-Europan. Seguente la concistas de Alexandro la Grande, Anatolianes parla plu e plu Elinica, e la linguas Anatolian deveni la prima grupo de linguas Indo-Europan estinguida. Es posable ce la linguas Ejean (ance estinguida) es relatada, ma esta no es firma.
La morfolojia de Hitita (e la otra linguas Anatolian) es plu simple ce la otra linguas Indo-Europan vea. Posable Hitita ia perde esta complicadas, o la otra linguas deveni plu complicada pos la separe. Hitita conteni multe formas importante antica.
