Linguas Indo-Europan
From LFN
Linguas Indo-Europan sirca 1500 ec
Indo-Europan es la plu grande familia de linguas en la mundo, con 150 linguas e sirca tre mil milion parlores. Linguas inclui Hindi e Urdu (400 milion), Bangla (200 milion), Espaniol (300 milion), Portuges (200 milion), Franses (100 milion), Deutx (100 milion), Rusce (300 milion), e Engles (400 milion). Engles es la plu poplal lingua du e es parlada par sirca un mil milion popla en la mundo.
La loca orijinal ia es la area entre la rios Danubio e Volga. Entre 3000 e 2000 aec, la lingua proto-indo-europan ia estende a Europa e Anatolia a la ueste, a Persia e India a la sude, e a Xina ueste a la este. Miles anios plu tarde, en la eda de colonialisme, linguas como Espaniol, Portuges, Franses, Engles, e Rusce estende a la Americas, Australia, la isolas de la mar Pasifica, partes de Africa, e a Sibir.
Per plu informa, vade a la articles supra la su-familias e linguas individua.
