Marte

From LFN

Esta es un article supra un planeta. Per la dio roman de gera, vide Marte (mitolojia).

Vista de marte

Marte es la planeta cuatro de la sol en nos sistem solal. El es clamada de Marte, la dio roman de gera (Ares en mitolojia elinica). Marte es ance conoseda como la planeta roja, per ce se pare roja videda de tera a note. Marte ave du lunas, Fobo e Deimo. Los es poca e de forma nonregula, e es posable los es asteroides prendeda, como 5261 Eureca. Marte pote es videda de tera per la oio simple, con un lumina de -2.9 potia o min. Sola la sol, la luna, venere, e jove es plu brilia.

Ia es crededa ce marte ave canales de acua licuide, ma la fotos prende par Mariner 4 en 1965 proved ce la canales no esiste. Ma marte es ance la planeta ce ave plu probable acua licuide, e posable viva. El es la sola planeta, eseta per tera, ce ave saisones. El ave un periodo de torsa asta la mesma como tera. El ave la montania plu grande de la sistem solal - Montania Olimpo - e la plu grande canion - Vale de Mariner - e covres de jela a la polos. El ave partes ce es plu fotografada ce la tera! Es cuatro transporta spasial ce sircula marte, e du Roveres (esplorante robotes, donada la nomes Spirit e Opportunity).

La prefis areo- (de la dio Ares) es usada per marte como la prefis jeo- es usada per tera, p.e. areolojia, como jeolojia.

La sistem solal		edit
Planetas:	Mercurio | Venere | Tera (Luna) | Marte | Jove | Saturno | Urano | Netune
Planetas nana:	Ceres | Pluto | Eris
Otras:	Sol | Stela | Sintur de Asteroides | Galasia | Nebla de stelas | Esplode Orijinal