Martin Luther
From LFN
Martin Luther (* 10 novembre 1483, † 18. febrero 1546, ambe en Eisleben/Deutxland) es la padre mental de la Reforma Protestante. El ia es monce de augustin e profesor de teolojia.
Luther ia reconose alga developas falsa de la eglesa catolica e ia vole elimina esas modo de reformas. Cuando la eglesa no ia aseta esta discutes, el ia deside a la publica de 95 frases, ce el ia bata a la porta de la eglesa de Wittenberg a 31 otobre 1517. El punto de critica prinsipal ia es la vende de notas de pardona, la practica, ce cada person ia pote compra la pardona de se pecas - un orijin de ricia per la eglesa.
En 1518 Luther ia es clamada a Roma per un esamina de se declaras. La demanda ia es, si el ia debe tratada como eresiste *). Suportores ma ia pote cause, ce la esamina ia pote ocure en Augsburg/Deutxland. A esta esamina Luther ma ia refusa retira se declaras, si los no pote disprova el de la Biblia. En anio 1521 Luther ia es escluida de la eglesa. A la conferi de la governores de statos deutx en Worms el ia ave la posablia ultima per retira. Luther ance ora ia refusa. Aora el vive es en peril, e Luther ia asconde se con la nom falsa "Junker Jörg" a la castel Wartburg prosime de Eisenach.
A la Wartburg Luther ia tradui la Atesta Nova de la Biblia a la lingua deutx. Per esa la popla simple aora ia pote comprende la testos, si usada en eglesa. Luther ia sta asta 1522 a la Wartburg. Plu tarda, finida en anio 1534, Luther ance ia tradui la Atesta Vea de la Biblia.
La atas (prinsipal la scrives) de Luther ia gida a la divide de la eglesa, ce no ia es intendeda de el. Cuando un parte de la governores ia suporta la Reforma (per ce el ia fa los plu potente contra imperor e Papa), ia segue un tempo longe de geras en Europa.
- *) Eresiste = Un person, ci es cadeda de la crede coreta (ce sinifia: la crede ofisial de la eglesa catolica)
