Mercurio

From LFN

Mercurio es la planeta plu prosima a la sol en nos sistem solal, e sircula la sol cada 88 dias. El varia en lumina de sirca -2.0 a 5.5 en grandia evidente, ma es no vide si fasil, per ce se separa angulal plu grande de la sol es sola 28.3 grados. Esta sinifia ce mercurio es sola vidable a prima lus e lus final. La planeta no es bon coneseda: La sola transporta spasial ce vade prosima ia es Mariner 10, de 1974 a 1975. La mapa de mercurio creada par Mariner covre no plu ce 40 a 45% de la suprafas.

Mercurio es simila en apare a la luna, con multe crateres. El no ave lunas e no ave un atmosfera. La planeta ave un cor de fero ce jenera un campo magnetal de potia sirca 1% de el de la tera. La temperatur de la suprafas varia de sirca 90 a 700 K: la punta direta su la sol es la plu calda, e la fondo de crateres a la polos es la plu fria.

La Romanes ia clama la planeta de la deo Mercurio, probable per ce la planeta move rapida en la sielo de la prima lus. La simbol de Mercurio es de la testa de la deo, se xapo con aletas supra se caduseo, un simbol antica de astrolojia. Ante la sentenio sinco, astronomistes elinica ia crede ce la planeta es du ojetos separada, un vidable sola a leva de sol, un sola a reposa. La Xines, Corean, Japanes, e Viet clama la planeta la stela de acua, seguente un de la sinco elementos clasica.

La sistem solal		edit
Planetas:	Mercurio | Venere | Tera (Luna) | Marte | Jove | Saturno | Urano | Netune
Planetas nana:	Ceres | Pluto | Eris
Otras:	Sol | Stela | Sintur de Asteroides | Galasia | Nebla de stelas | Esplode Orijinal