Neutria lingual

From LFN

Neutria lingual?

Supra la nesesa de un lingua aidante mundial, la sustantes de la linguas diferente disputa xef ce la lingua aidante mundial debe es fasil.

La plu de desiniores e parlores de linguas desiniada disputa ce "neutria lingual" es importante, donce la lingua desiniada pote funsiona como lingua aidante mundial. Es ce es esta modo?

Du disputas xef es usada, consernante la engles:

  1. Ci no parla la engles de nase ave nonvantajes
  2. Con la lingua engles, la culture de SUA governa ance 

A la tema prima, si no person ia conose de nasa un lingua aidante, tu ponte dise ance ce cada un ave la nonfasil egal. Ance un disputa negative e plu: Esta no es un disputa sola per la nesesa de un lingua desiniada. Esiste linguas natural ce ave ambos: Es fasil e no es represante. Per esemplo Toc Pisin (Ginea Papua Nova), Bahasa Indonesia, Papiamentu (la Antiles), Creol Aitian (Aiti), Seselva.

A la tema du, esta es no un problem lingual ma un problem de capitalisme e imperialisme. Si la UNO o otra organiza internasional ta deside per usa Esperanto o Interlingua, Lingua Franca Nova o un otra lingua desiniada, la presa cultural pote funsiona ance per alga linguas.

Ance, como neutral es linguas ce usa sola radises europan? Ma esta es ja un bon idea: vide a Lojban. Lojban es neutral, ma la preso es alta e Lojban es nonfasil per aprende per cada un.

Donce neutral no es LFN no Interlingua no Esperanto.

Me fini es ce la neutria no es tro importante per un lingua aidante mundial.

Plu disputa: Vide a Er (Ireland), cada enfante debe aprende gelge (Irish) en scola. E ta pote suposa ce los gusta gelge contra la represante de engels. Ma no, plu enfantes odi aprende gelge per un causa simple: los preferi la lingua ce es plu usante per los.

Final, me pensa ce la linguas plu natural (LFN, Interlingua) ave plu bon acaso como Esperanto ce multe persones leje e comprende pronto. En la otra dirije, persones pote aprende LFN o Interlingua e comprende linguas roman pronto. Seguente la narada de la biblia, la multiplia de numero de linguas supra la tera es la fruta de un puni de Dio per la omes ci ia construi un tore ce ta asenda a la siel: la tore de Babel. Si es un loca a la monde do esta maldise es un flajela dial, esa no es plu Babel, ma Brusel.