Nomes de Dias
From LFN
La nomes de dias en Lingua Franca Nova segue la nomes costumal de la linguas roman, ce segue la nomes en latina:
|
| Jove e Tetis, par Ingres |
- Soldi - per la Sol
- Lundi - per la Luna
- Mardi - per la planeta Marte (la dio roman de gera)
- Mercurdi - per la planeta Mercurio (la dio roman de mesajes)
- Jovedi - per la planeta Jove (la dio roman suprema)
- Venerdi - per la planeta Venere (la diva roman de ama)
- Saturdi - per la planeta Saturne (la dio roman de agricultura)
Per ce la fundores de LFN no vole indica un preferi per un relijio o un otra, nomes costumal per Saturdi (como "Sabato") e Soldi (como "Domenico") es repone con la nomes plu vea de la romanes.
Otra Linguas
Linguas Celtica usa nomes simila a la Latina e LFN
Linguas Roman (esetante Portuges, vide su) usa la nomes de la planetas o dios vea de romanes, eseta:
- Soldi es la dia de la Senior (domenica en Italian, per esemplo)
- Saturdi es la dia de restora de Iudisme (sabato en Italian, per esemplo)
Linguas Germanica usa alga dios vea germanica, en loca de alga dios roman:
- Sol (Sun en Engles)
- Luna (Moon en Engles)
- Tir o Tiu (dio vea)
- Odin o Woden (dio vea)
- Tor o Doner (dio vea - la nom sinifia tona)
- Freia (diva vea)
- Saturne
- En Deutx, Mercurdi es Mitwoch (media de semana)
- En la linguas de Scandinavia, Saturdi es Lørdag o Lördag (dia de lava)
La linguas de India usa nomes per planetas de dios vea de India. Per India norde, los usa estas:
- Ravi (Surya), dio de Sol
- Soma (Chandra), dio de Luna (e de la bevida sante)
- Mangala, dio de gera
- Budha, Mercurio
- Guru, instruor a la dios
- Shukra, instruor a la asuras (dios-gerores)
- Shani, Saturne, fio de la Sol, dio de fortuna, multe temeda.
Japanes, Corean, e Tibetan usa parolas per la planetas construida de la sinco elementos antica:
- Sol
- Luna
- "Planeta de foco" (Marte)
- "Planeta de acua" (Mercurio)
- "Planeta de lenio" (Jove)
- "Planeta de metal" (Venere)
- "Planeta de tera" (Saturne)
En kandji japanes: 日 月 火 水 木 金 土
Multe linguas usa la metodo simple de numeros. La plu comensa la semana con se varia de Soldi, e donce con “dia un” per Lundi, etc.
- Xines clamada Soldi per la Sol o per la Sielo.
- Portuges, Esti, e Viet clamada Soldi “la dia de la Senior” o “dia Santa.”
- Polsce e Slovenian clamada Soldi “no labora,” (nedelja en Slovenian) e Lundi “pos no labora” (ponedeljek en Slovenian)
- Rusce clamada Soldi “revive" (de Cristo, воскресенье) e Lundi “pos no labora."
- Farsi, Ivri, e mesma Latina (como usada par la eglesa) usa ance numeros, ma comensa con “dia un” a Soldi.
