Nomes de Mensas
From LFN
La nomes de mensas en Lingua Franca Nova segue la nomes costumal de linguas roman:
- Janero - mensa un, de Janos, la dio roman de portas
- Febrero - mensa du, de Februltus, la mensa per rituas ce repara la pecas de la anio (Febrero ia es la mensa final en la anio orijinal de la romanes)
- Marto - mensa tre, de Marte, la dio roman de gera
- April - mensa cuatro, posable de la parola per abri, per la abri de flores, o per Venere (Afrodite en Elinica, Apru en Etruscan)
- Maio - mensa sinco, de Maia, la diva elinica de fertilia (Bona Dea per la romanes)
- Junio - mensa ses, de Juno, la diva roman de femas, rena de la dios, e la sposa de Jove
- Julio - mensa sete, de Julio Cesar, la jeneral grande e tirano de la romanes
- Agosto - mensa oto, de Cesar Augusto, la prima Imperor de la Imperia Roman
- Setembre - mensa nove, la mensa sete orijinal (per ce la anio ia comensa orijinal a Marte)
- Otobre - mensa des, la mensa oto orijinal
- Novembre - mensa des-un, la mensa nove orijinal
- Desembre - mensa des-du, la mensa des orijinal
La plu linguas usa formas de esta nomes, ma Txesce, Lietuvesce, e Suomi usa se nomes propre vea.
Arabian usa un calendar antica lunal.
India ave du calendars: Un es lunal, e un es solal, ambos con nomes costumal. La mensas de la calendar solal ave la nomes de la figuras stelal de la ecuator sielal.
Xines, Japanes, e Corean usa simple "mensa un, mensa du, etc." Esta es ance bon per parlores de LFN.
