Nos padre, par Jacques Prévert

From LFN

(tradui par gb)

Nos padre, ce es en sielo
Sta ala
E nos va sta en tera
Ce es anca vera bela
Con la miracle de New York
E la miracle de Paris
Tan valuada ce la Trinitia
Es la canal poca de la Urc
La Mur Grande de Xina
La Rio Morlaix
La confeto dur de menta
Con la Mar Pasifica
E la du lagetas a la Tuileries
Con la bon enfantes e la mal sujetas
Con tota la miracles de la mundo
Ala
Simple supra la tera
Ofreda a tota
Sperde
Plena de amira a tal miracles
E ce no un osa amite
Como un fia bela e nudo ci no osa mostra se
Con la malfortunas asustante de la mundo
Ce es enorme
Con la lejonores
Con la torturores
Con la mestres de esta mundo
Mestres con se pretes se tradores e se soldatos
Con la saisones
Con la anios
Con la fias bela e la cules
Con la feno de tristia putrante en la aser de canones