Paucituberculata

From LFN

Oposum musaranin

La ordina Paucituberculata conteni la ses spesies supravivente de oposum musaranin: marsupiales poca e muscarin restrinjeda a la Andes en America Sude. Es crededa ce la ordina ia deverje de la linia asendente de masupiales prematur. Como resente como 20 milion anios pasada, es plu ce sete jeneras en America Sude. Los abita la areas de foreste e erba de la Andes alta. Per ce otra insetavores es asente de America Sude, oposumes musaranin pleni la mesma nix ecolojial. Esta sujeste ce oposumes musaranin ia abita esta area a la ora cuando America Sude ia es un continente isolada.

Oposumes musarania (ance clamada oposumes ratin) es sirca la grandia de un rata poca (9 - 14 cm de longia), con membros plu poca, un beco longa e puntada, e un coda magra e capelos. Los es plu parte carnivoros, xasores ativa de insetas, vermas de tera, e vertebrates poca. Los ave oios poca e vide povre, e xasa a la sera pronto e a note, e usa se oia per loca vitimas. Los pare viva plu de se vivas en tuneles su la terena e a ruetas a la suprafas.

La plu parte per ce se abita ru e nonasesable, los es no conoseda bon e per costum es considerada rara. Studias resente sujeste ce los es plu comun ce nos ia pensa.