Pirineos

From LFN

Pico del Aneto, la montania plu alta de la Pirineos.

La Pirineos (espaniol: Pirineos; franses: Pyrénées; catalan: Pirineus; ositan: Pirenèus; aragones: Perinés; euscara: Pirinioak) es un cadena de montanias en Europa sude-ueste ce forma un borda entre Frans e Espania. Los separa la penisola de Iberia de la resta de Europa, e estende per sirca 430 km de la Baia de Biscaia (Cap Higuer) a la Mar Mediteranea (Cap de Creus).

Per la plu parte, la culmina major crea un frontera multe grande, con Andora en la media. Catalunia e Euscada es la sola teritorias ce estende a ambos lados de la cadena.

La nom es de Pirene (foco en elinica) ce es la fia de Bebrix e ia es violada par Heracles. Temente de nase un serpente, Pirene fuji a la montanias e ia es enterada o comeda par animales savaje. Herodoto ia loca esta mito supra se mapa de la Ecumene sirca 450 aec.