Plato

From LFN

Plato (437 - 347 aec) ia es la studiante plu importante de Socrates. De un familia rica e potos, se nom real ia es Aristocles. Plato ia es un nometa ce referi a se spala larga. Cuando el ia ave sirca dudes anios, el ia es encantada par Socrates e ia deside promete se a filosofia. Cuando Socrates ia mori, el ia es ruinida, e ia comensa vaga sirca Elas e la Mediterania, e ia es catura par piratas. Se amis ia colie moneta per salva el de slavia, ma el ia es libri sin la moneta. Donce se amis ia compra un propria poca clamada la Academus per comensa un scola - La Academia, fundada en 386 aec.

La Academia ia es plu como la comunia de Pitagoro - un tipo de fraternia cuasi-relijios, do omes juna e rica ia studia matematica, astronomia, lege, e filosofia. La Academia no ia costa, ma depende tota a donas. Seguente se ideales, Plato ia permite ance ce femas atende! La Academica ia deveni la sentra de aprende elinica per asta un milenia.

Es clar ce Plato ia es un idealiste e un razoniste, multe como Pitagoro ma multe min mistical. El divide realia par du: A la un lado, nos ave ontos (idea o la ideal). Esta es la realia esensal, eternal, spirital. A la otra lado, nos ave fenomena, ce es la reali de la ideal. Fenomenas es la pares, cosas como los apare a nos, e es asosiada con materia, tempo, e spasio.

Fenomenas es alusinas ce putri e mori. Ideales es noncambiante, perfeta. Fenomenas es vera inferior ce ideales! La idea de un triangula - le matematica de el, la forma o la esense de el - es eternal. Alga triangula individua, la triangulas de mundo de esperia dial, es no tempo vera perfeta: Los pote es un poca curvida, o la linias un poca spesa, o la angulas no esata.... Los no cuanto ma prosimi acel triangula perfeta e ideal.

Ideas es otenable sola parr pensa, fenomenas es otenable par nos sensas. Donce, per Plato, pensa es multe superior per oteni la veria. Esta fa Plato un razoniste, e no un empirisiste, en epistemolojia.

Senses pote sola dona a nos informa de la mundo nonperfeta e eterna cambiante de fenomena, e donce pote dona a nos sola la sujestes de realia ultima, e no realia mesma. Razon vade direta a la idea. Nos pote "recorda" o reconose la veria con nos intui, como Socrates dise en la conversa Meno.

Sequente Plato, la mundo fenomenal labora per devni ideal, perfeta, completa. Ideales es, en esta senso, forsas motivante. En fato, Plato dise ce la ideal es la mesma ce Dio e bonia perfeta. La Dio crea la mundo de materia e forma la mundo en acorda con se desinia - la ideas or la ideal. Si la mundo no es perfeta, esta no es per ce la Dio o la ideales, ma per ce la materia ru no ia es perfeta. Tu pote vide per ce la iglesa crististe comensante ia deside ce Plato deveni un crististe onoral, contra ce el ia mori ja tre e un media ante Cristo!

Plato aplica esta mesma dualisme a esentes umana: La corpo es material, mortal, e movada (un vitima de causa); La spirito es ideal, nonmortal, e nonmovada (capas de vole libre).

La spirito inclui razon, serta, e ance consensa de se mesma e un sensa moral. Plato dise ce la spirito cambia tota tempo eser bon, si el reconose ce es bon. Es un conseta de bon e mal simila a el de la budistes: Mal no es un peca, ma un problem de ignora o nonconsensa. Donce, un person ci fa mal nesesa instrui, no puni.

La spirito es atraeda a la bon, la ideal, e en esta modo es atraeda a la Dio. Nos move en grados plu e plu prosima a la Deo par nos vivas individua e par reincarni. Nos gol moral en viva es deveni plu como la Dio, deveni plu prosima a la mundo pur de ideas e ideales, librinte nos mesma de materia, tempo, e spasio. Nos gol es, en otra parolas, autoreali.