Reuni de Deutxland

Pos plu ce 40 anios de divide de Deutxland a 3 otobre 1990 aveni la reuni de Deutxland. La parte este, la presedente Republica Deutx Democratial (RDD), junta a la Republica Federal Deutxland (RFD) con sinco paises federal. El ia sesa esiste como stato nondependente.

Esta developa pasos ia es posable a causa de cambias democratial en la Uni Soviet.

Dates importante

1989:

Pos Madjar ia abri la borda a Osteraic en maio, vera multe sitisanes de la RDD atenta fuji los pais a esta modo.
En julio sitisanes de la RDD ocupa la ambasadas de la RFD en Berlin, Praha, Budapest e Varsava per forsa los viaje en la ueste.
19 agosto: 600 sitisanes de la RDD fuji tra la borda de Madjar a Osteraic.
4 setembre: La "mostra lundal" prime per libria democratial ocure en Leipsig. En la semanas seguente ocure tal mostras cada lundi con multe mil partisipantes.
10 setembre: La "Forum Nova" es fondada como movia prime per la librias de sitisanes. Otra organizas segue en la dias seguente: "Democratia Aora", "Parte Sosial-Democratial" e "Inisia Democratial".
7 otobre: La gidores de la stato selebra la aniversaria 40 de la RDD. Los ignora la cambias en la pais.
4 novembre: Un mostra grande con sirca 500 mil partisipantes ocure en Berlin.
9 novembre: En television los anunsia, ce cada person va pote pasa la borda. Seguente multe sentos sitsanes forsa abri subita la borda a Berlin ueste.
18 novembre: Erich Honnecker, la xef de stato e de la "Parte Sosialiste Unida", es reponeda par Egon Krenz.

1990:

18 marto: Elejes libre ocure. Ganior es la "Alia per Deutxland", un alia de partes e grupos prosime de la "Uni Crististe-Democratial", la parte conservante gidante en la RFD.
De maio: "2+4"-negosias ocure entre la potes ocupada presedente SUA, Britania Grande (Rena Unida), Frans e Uni Soviet, e la du statos deutx, per reuni Deutxland como un stato.
1 juli: La "Marc deutx" (de la RFD) es la moneta comun en ambos statos.
3 otobre: La reuni ocure.