Rosario
From LFN
La rosario (de la latina, rosarium o "corona de rosas") es un forma de medita de la vive tota de Jesucristo. Un cosa costum de Catolicisme, el es un colieda de granos per la preas. Alga persones noncatolica ance prea con la rosario, como presbyterianes, luteranes e anglicanes.
La 16 de otobre, en la anio 2002, La papa Ioanes Paulus II ia crea la colieda cuatro de misterios, clamada la misterios lusos. La junta no es ofisial, ma los es aora poplal con multe preores de la rosario.
Orijin
Multe relijios ave un forma de prear con granos, como la induisme, islam, etc. La persones relijio ia usa la petretas per contar cada prea. La monces ia debe memora tota la 150 salmos, e pos ia developa un modo, tra preante la Nos Padre e la Ave Maria per cada salmo. E mesma pos, tra veses en prea, la rosario ia es developada. El es simila como la Eglesa Ortodoxa de la Este, ce prea la Prea de Jesus.
La rosario developada conteni plu ce 50 granos contenida en grupos de des, e a la fini es un crus con la corpo de Jesus. Un grupo de des granos en un rosario es clamada un desenio, e per cada desenio, la preor medita de un parte de la vive de Jesus tra "la oios de Maria."
La Misterios
La preadas per la rosario es clamada la misterios, en ce la avenis en la vive de Jesus fa nos demanda nos con grandia. Plu parte de la misterios es trovada de la biblia.
La Misterios Joios
1 La Clama (de la arcanjel Gabriel a Maria) Lucas 1:26-38 2 La Visita (de Maria a se cusin Elizabeta), Lucas 1:39-49 3 La Nase (de nos Senior Jesucristo), Lucas 2:6-12 4 La Presenta (de la enfante Jesus en la temple), Lucas 2:22-35 5 La Trova (de la enfante Jesus en la temple), Lucas 2:41-51
La Misterios Lusos
1 La Batiza de Jesus (en la rio Jordan), Mateo 3:13-17 2 La Sposi en Cana, Joane 2:1-12 3 La Proclama de la Rena (de Dio), Mateo 10:5-14 4 La Cambia (de la corpo de Jesus en forma de lus), Lucas 9:28-35 5 La Funda de la Eucariste (a la come ultima de sera de Jesus), Lucas 22:14-20
La Misterios Dolos
1 La Angusa en la Jardin, Lucas 22:39-45 2 La Dolente a la Colona, Marcos 15:1-15 3 La Coronante con Spinas, Mateo 27:27-31 4 La Portante de la Crus, Lucas 23:26-32 5 La Crusente, Joane 19:18-30
La Misterios Glorios
1 La Revivente
