SETI
From LFN
La xerca per intelijentia estrateral (engles: Search for Extraterrestrial Inteligence = SETI) es un projeta comensada en anios 1960. El ativia prinsipal es la scane de la sielo con radiotelescopes per trova un sinia estrateral. Asta aora los no es susedente.
Contenida |
Vista jeneral
Un visita de astronavores supra un planeta estra la sistem de nos sol es presente nonposable con la medios de nos tecnolojia. Ma nos pote construi un sistem de comunica con enviadores e resetadores per trava sinias de orijin estrateral. Ma SETI es no projeta fasil. Nos galasia, la vialete, ave un diametre de sirca 100 mil anioluses e conteni sirca 300 mil milion stelas. Es un taxe nonfasil nesesante un estende grande per xerca la tota sielo per sinias debil de distante.
Super la numero probable de la sivilias estrateral vide la formula de Drake.
Restrinjes de la campo de xerca
Esiste restrinjes usable per fa la xerca plu facile. Nos suposa la seguente:
- Vive esista sur base de carbon.
- Vive nesesa acua.
Un otra restrinje importante prinsipal per la xerca con radiotelescopes es
- la restrinje per stelas simile de nos sol.
Stelas vera grande ave un periodo de estita tro corta per la developa de vive. Stelas vera poca ave tro poca enerjia e nesesa un orbita planetal vera prosima de la stela. Sirca 10% de la stelas de nos galasia es simile de nos sol. Esista sirca 1000 tal stelas distante asta 100 anioluses de nos sol. Esta stelas es la prima ojetos de nos xerca. Tamen nos no sabe si esta restrinjes es vera usable.
Cualias de un sinia suposal
Un sinia radial per envia entrestelal debe es plu forte ce la radia de la stela. Per ce el usa probable un largia bandal frecuential vera streta. Per trova tal sinia la siensistes deve xerca la tota sielo per un numero grande de frecuentias. Los ance no sabe cual cualia tal sinia pote ave. Un segue complicada de pulsa ta es un proba de un orijin artifisial. Un otra demanda es, si los pote dessifra tal sinia. Per redui la fortia de la enviador la estraterales usa probable un sinia vera consentrada. Trova tal sinia es nonposable si nos no es en la dirije coreta. A esta caso nos debe epera ce los sabe de nos esite e dirije nos direta.
Istoria de SETI
- 1960 ia fa Frank Drake la esperimente prima de la rexerca de SETI
moderna. El ia usa un radiotelescope en oserveria de Green Bank e esamina la stelas Tau Ceti e Epsilon Eridani prosima de la frecuentia 1,42 jiga Hertz.
- 1961 ia es la conferi prima de SETI en Green Bank.
- 1974 los ia envia un mesaje radial de 1679 bitios a la monton de stelas
M13 (distante sirca 25 mil anioluses) de la oserveria de Arecibo. La numero 1679 es la produida de la numeros primal 23 e 73. A esta modo la resetores pote comprende la mesaje como un imaje con esta dimensiones. La imaje mostra scemos de la telescope, de umana, de la DNA de umana e elementos importante cemical.
- 1979 la universia de Berkeley ia comensa un projeta de xerca con un
analisator per 100 frecuentias a mesma tempo.
- 1982 la universia de Havard ia comensa usa un un analisator per 131 mil
frecuentias.
- 1985 la projeta META (Megachannel Extra-Terrestrial Array) ia usa un
analisator per 8 milion frecuentias.
- 1992 la NASA ia comensa finansi la SETI projeta. Ma ja pos un anio la
projeta ia fini a causa un deside de la congresa de SUA. La projeta ia es continuada de la projeta Phoenix ce es finansiada privata.
- 1999 los ia comensa la projeta SETI@home. Esta projeta usa la capasia de
vera multe computadores en la interede.
- 2005 la universia de Berkeley ia comensa construi un campo de 350
radioteslescopes, ce los vole usa ance per la xerca per intelijentia estrateral usante la frecuentias entre 0,5 e 11,2 jiga Hertz.
SETI oial
De alga anios los ance xerca per sinias oial. Los suposa ce sivilias estratera pote usa radias de Laser vera forte per comunica entrestelal. Studios ia mostra, ce un Laser de nos tecnolojia con un miror de 10 metre diametre pote envia un sinia 1000 a forte ce nos sol.
