Sagarmata

From LFN

Sagarmata (Nepali: सगरमाथा), ance clamada Qomolangma (Tibetan: ཇོ་མོ་གླང་མ) o Montania Everest, es la montania plu alta en la mundo, a circa 8848 m supra la nivel de mar. (Montania K2 es numero du a 8611 m). La montania, un part de la Himalaias en Asia alta, es locada a la borda entre Nepal e Tibet (o Bod, en Xina).

La nom plu vea es la Tibetan nom Qomolangma, ce es usada ance par la xines como Zhūmùlǎngmǎ Fēng. La nom Everest ia es donada par Andrew Waugh, la jeometror-jeneral de India en 1865. Sirca 1960, la governa de Nepal ia dona la nom Sagarmata, ce sinfia "Dea de la Sielo."

En 1953, la mision britanian nove, conduida par John Hunt, ia retorna a Nepal. Hunt ia eleje du duples per atenta ariva a la culmine de Sagarmata. La duple prima (Tom Bourdillon e Charles Evans) ia ariva entre 300 feet de la culmina, ma ia nesesa retorna per ce los ia es tro fatigada. La dia pos, la duple du ia atenta la asende. Edmund Hillary de Zeland Nova e Tenzing Norgay de Nepal ariva a la culmina a 11:30 a 29 Maio 1953.