Sentenio 11

From LFN

La tapeta pitural de Bayeux, mostrante la invade de England par la Normanes en 1066

La sentenio 11 es la sentenio ce dura de la anio 1001 a la anio 1100.

Avenis

• 1001 ± 40 anios - La volcano Baitouxan, a la borde Xines-Corean moderne, esplode con un forsa de 6.5, un esploda cuatro en grandia de la eda Holosene.
• 1001 - Mahmud de Ghazni, xef de la Ghazni, comensa un serie de atacas a India norte; El fini en 1027, cuando Somnath es destrui.
• Sirca 1001, vicinges, conduida par Leif Eriksson, funda un colonia poca en e sirca Vinland, America Norte.
• 1040 - Duncan I de Scotland es mori en batalia. Macbeth I de Scotland deveni la renior sequente.
• 1054 - La Fende Grande: La eglesa Catolica Roman e la eglesa Ortodox Este separa.
• 1060 - La concista de Sisilia par la Normanes.
• 1065 - La autonomia de la renia de Galisia e Portugal su la renia de Garcia.
• 1066 - Edward la confesor mori; England es concistada en la batalia de Hastings.
• 1071 - La defeta de la Impero Bizantia a la batalia de Manzikert fini tre sentenios de la Eda Oro de la Impero.
• 1076 - La Impero Ganan comensa rompe pos Kumbi, la capital, es sacada.
• 1085 - Alfonso VI de Castilia capta la site muslim de Toledo.
• 1086 - Compila de la libro de Domesday.
• 1094 - El Cid, la eroe grande de Espania, concista la site muslim de Valencia.
• sirca 1095 a 1099 - La plu vea manoscrito de "La Canto de Roland" ce esiste aora.
• 1099 - La crusada prima catura Jerusalem.
• Re Anawrahta de Mianmar fa un viaja relijios a Sri Lanca, e retorna per converte se pais a Budisme Teravada.
• La Tuareg migra a la area de Air.
• Kanem-Bornu estende a la sud a Nijeria moderne.
• La prima de sete sites hausan es fundada en Nijeria.
• La area de Hodh en Mauritania deveni deserto.

Persones importante

• Imperesa Agnes
• Alexio I Comneno Imperor de Bizantia (1048-1118; renia 1081-1118)
• Alp Arslan
• Arcebispo Anno II de Koln
• Anselm de Canterbury
• Basil II Imperor de Bizantia (958-1025; renia 976-1025)
• Canute la grande
• El Cid (Rodrigo Díaz de Vivar)
• Papa Gregorio VII (Hildebrand)
• Guido de Arezzo
• Imperor Enrico III
• Imperor Enrico IV
• Konrad II
• Lanfranc, arcebispo de Canterbury
• Leif Eriksson
• Macbeth I de Scotland
• Sante Roberto, fundor de la [[Sistersianes]
• Stephen I de Magiar
• Tunka Manin renior de la Imperor Ganan
• William I de England ("la concistor")
• Papa Urban II
• Tāriqu l-Ḥakīm bi Amr al-Lāh, Calif ses de la Fatimides

Inventas, descovres, e introduis

• "Trubadores" aperi en Frans sud.
• La inveni de la roceto militar en Xina.
• "La Narada de Genji" par Murasaki Xikibu es un de la prima novela en japanes.
• La parte major de la scrives de Aristotele es redescovreda.