Setasea

From LFN

Balena

Dolfin

La Setasea es un ordina de mamales ce inclui balenas, dolfines, e fosenas. Los es la mamales plu ajustada per abita en la acua. La brasos ia deveni aletas, la gamas es nonvidable, e la coda ia deveni un aleta grande. La setaseas es asta sin capel, e los es isolida par un strato densa de gras. La ordina es ance conoseda per se intelijentia grande.

La ordina conteni 90 spesies. La plu de spesies es de mares, eseta 5 spesies de dofines de rios. La ordina es divideda en du suordinas: Mistiseti (balenas vera) e odontoseti (balenas con dentes, incluinte dolfines e fosenas.

• Suordina Mistiseti
  • Familia Balenopteride - balenoteras
  • Familia Escrictide - balenas gris
  • Familia Balenide - balenas franca
  • Familia Neobalenide - balenas franca pigmeo
• Suordina Odontoseti
  • Familia Fiseteride - caxalotes
  • Familia Zifide - balenas con becos
  • Familia Platanistide - dolfines de rios
  • Familia Delfinide - dolfines
  • Familia Monodontide - belugas e narvales
  • Familia Fosenide - fosena