Soia

From LFN

Soia (Glisine max) es un spesie de legum, orijinal de Asia este. La parola soia es de la japanes shoyu per salsa de soia, e es orijinal de xines.

Soia es un colieda importante en la mundo, e furni olio e protena. La plu de la colieda es cambiada a olio vejetal, e la farina ce resta es usada per comeda per animales. Un poca parte de la colieda es usada direta par umanas. Soia es un parte de un varia grande de comedas prepreparada.

Soia ia es un colieda plu importante en Asia este multe sentenios ante arcivos scriveda, e el es ancora un colieda major en Xina, Japan, e Corea. Ante produidas fermentada como salsa de soia, tempeh, natto, e miso, soia ia es considera santa per se usa en la cambia de la coliedas como un metodo de fisa nitrojen. La plantas ta es aradada per prepara la campo per coliedas de comedas. Soia es introduida a Europa en la comensa de la sententio 18.